Video
Read full review
2011-01-17
157 views
是日一早車了太太到火車站. 發覺時間尚早啊. 那麼多時間, 一早過關再算嗎. 不好了, 留在香港慢慢嘆好個早餐才起行吧. 時間多, 就決定正正式式上茶樓飲個早茶. 於是, 來大埔, 始終比較熟識嘛. 入黎大埔墟. 因為我對呢一個小區. 更加熟識.大埔墟, 不計寶湖花園同火車站一帶. 大酒樓, 執下執下, 真的只剩下大日子呢一間. 呢一間茶樓既據點, 算是陪著我一起成長. 由當年的新寶城, 到後來的冠年華...再改下改下, 到而家的大日子. 基本上, 說係大埔墟飲茶, 係黎呢一度架啦. 以前, 仲有周明記係大榮里開的酒樓, 寶鄉街的好年華, 廣福道的新光等等, 三者既位置, 現在都做唔返茶樓了. 分別變了超市, 書院同老人院. 係大日子呢一個位, 依然做得住.來到時剛8點多. 上上下下, 都是老人家比較多. 一個來的有, 三五知己也有, 也有不少中年大哥, 嘆完份報紙返工的. 個個, 到是叫一盅, 同加點心. 而我呢一個年輕茶客, 也不例外. 一樣來一個一盅‧兩件.我的一盅‧兩件, 其實是一盅‧三件, 一盅鳳爪排骨飯, 三件山竹牛肉. 有網友說, 鳳爪排骨飯是大埔墟三寶之一. 的確, 大
大埔墟, 不計寶湖花園同火車站一帶. 大酒樓, 執下執下, 真的只剩下大日子呢一間. 呢一間茶樓既據點, 算是陪著我一起成長. 由當年的新寶城, 到後來的冠年華...再改下改下, 到而家的大日子. 基本上, 說係大埔墟飲茶, 係黎呢一度架啦. 以前, 仲有周明記係大榮里開的酒樓, 寶鄉街的好年華, 廣福道的新光等等, 三者既位置, 現在都做唔返茶樓了. 分別變了超市, 書院同老人院. 係大日子呢一個位, 依然做得住.
來到時剛8點多. 上上下下, 都是老人家比較多. 一個來的有, 三五知己也有, 也有不少中年大哥, 嘆完份報紙返工的. 個個, 到是叫一盅, 同加點心. 而我呢一個年輕茶客, 也不例外. 一樣來一個一盅‧兩件.
我的一盅‧兩件, 其實是一盅‧三件, 一盅鳳爪排骨飯, 三件山竹牛肉. 有網友說, 鳳爪排骨飯是大埔墟三寶之一. 的確, 大埔墟內, 好多排骨飯賣. 作為一間大酒樓, 當然不能執輸, 亦不能輸.
鳳爪排骨飯, 同街市, 路邊的排骨飯店比, 水準實在是不相伯仲. 同樣是生米蒸飯, 同樣是粒粒肉排. 豉油方面, 色水雖不及其他的靚, 但味道就比其他的鮮. 厚肉排骨, 大隻鳳爪. 有水準.
牛肉球, 非常之鮮美. 加上喼汁之後, 酸酸味, 鮮鮮味. 肉球腍腍滑滑. 又熱熱的奉上. 夠好食, 夠可口.
慢慢嘆, 慢慢食. 不過, 總有個time limit. 近9點, 我點都要走. 埋單時. 老婆婆讓我打尖, 道: 我老太婆大把時間, 後生仔趕返工排先.....
我連忙說多謝, 婆婆真好人士!!!!
Post
