牛石料理 (Closed)

今次已經係第二次嚟食飯啊，上次係主要食燒肉，見佢呢排出咗咁多款新菜式，就決定試吓佢其他料理我哋今次主要嗌咗熟食同丼飯為主，一入到去見到有個日本海膽丼已經覺得好吸引，就即刻嗌左黎試海膽嘅份量同相入邊一樣，海膽疊到好高好足料，我哋將啲飯同海膽包係紫菜入邊食，食到海膽嘅鮮甜味同埋好creamy，一d都唔苦亦唔會好重海水味，同吞拿魚茸好夾另外嗰個就係帝王蟹丼， 蟹肉同樣都搭到好高，我地先食左好多蟹肉先再食下面d飯，可以大啖大啖咁食d蟹肉真係好爽， 冇落豉油就可以完完整整咁食到佢甜味 銀雪西京京燒，上次已經食過一次今次再嗌，真係燒得好嫩滑同入味，點埋少少沙律醬食真係會食唔停口㗎另外嗌咗個軟殼龍蝦海葡萄沙律，海葡萄好爽口，都幾清新，依個軟殼龍蝦可以成隻連肉連殼一齊食嘅，龍蝦肉好彈口，份量雖然唔係好大，但呢個價錢已經算好合理之後就嗌咗個明太子櫻花蝦茶泡飯，櫻花蝦同明太子嘅味好夾，有少少鹹鹹地，用茶嘅泡飯中和左佢哋嘅味道，食落都幾清新 軟殼蟹沙律，軟殼蟹嘅份量都幾多，炸到外脆內軟，雖然軟殼蟹已經經過油炸但係仍然食得出佢嘅甜味，配埋沙津既清新味道，啱啱好