悅滿軒

已經好多次幫趁悅滿軒呢間餐廳，一直都好喜歡佢地既法國菜🇫🇷，因為以法國菜黎計，佢地個價錢都幾抵食。今日又再重遊舊地。😌我點咗個烤小龍蝦🦞意大利粉配西班牙紅蝦汁🦐。小龍蝦🦞其實即係Scampi，唔好睇佢好似隻蝦咁，以為係普通嘢，其實Scampi係一種高級食材，鮮味十足。而且意粉汁用上紅蝦🦐，紅蝦又是另外一種高級且鮮甜的食材。兩種最鮮甜既蝦煮出來既意粉，凈係上枱已經香到不得了。😌老公點咗意大利飯配澳洲鮑魚 海鮮湯。呢個飯又係一上枱就已經好香。本身個意大利飯已經用上海鮮湯去煮。餐廳仲額外提供海鮮湯俾我地加進飯內，不過我地都係鐘意就咁飲。海鮮湯好鮮甜🤤，應該用上大量魚骨同埋甲殼去熬製。飽魚亦煮到好淋好香。香煎北海道帶子配開心果牛油 芹菜頭蓉。帶子煎得外脆內軟，配上開心果牛油同埋芹菜頭蓉，成件事好清新☺️。整個菜充滿住開心果既香味。