嚐 (Closed)

有日閒日約左係青衣交收夜晚晚，屋企又無飯食，見依間餐廳新開，就去幫襯下～支持下～menu選擇都幾多因為好肚餓嘅緣故，點都要食啲飯落肚先揀黎揀去，最終叫咗個“ 秘製豬軟骨鹵雞翼肉燥飯”加一杯凍奶茶個飯黎到，眼見一隻長方形嘅碟已經裝曬飯，肉燥，半隻鹵蛋，豬軟骨同埋三隻雞翼但係隻碟又唔係特別大㗎喎其實都幾逼份量黎講，對男人而言就適中偏少女人都ok既咁都好嘅，有時份量夠就得。好過一個二個食淨曬啲嘢，浪費食物啦～如果真係太肚餓嘅話，我諗要嗌多個小食先至夠滿足。個飯味道方面，中規中矩啦我覺得肉燥可以多返少少，睇返張相，見到全部都係得汁咁說好的肉燥呢？至於飲品都係一般。但隻杯好得意，係一個假嘅相機鏡頭加分