Video
Read full review
2024-10-31
1738 views
今晚試咗呢間鍋心海鮮點心專門店，食到一肚氣，充滿趕客feel，唔嚟無損失，惠顧完呢次應該有啲客人下次唔會再嚟幫襯。呢間餐廳乏善足陳的情況總結如下：首先，OpenRice 出現個預約電話係假的，打極無人接，大家可以慳返。由晚上五點五十五分已有約十三人排隊等位，等到晚上七點左右先有四人枱可以入座，店員只顧安排二人枱，有三枱二人客遲嚟先入座。餐廳入座安排有D胡亂來。其次，見到隔離枱客有落錯單（明明無叫鮮竹卷，但又想放低籠鮮竹卷比個客）及有漏單（漏咗蒜蓉蒸鮮魷）嘅情況，各店員仲發揮「呢單嘢唔係我跟開」嘅工作精神，紛紛話唔知。第三，免費的茶水，淡而無味，應該係同一個茶包反覆沖咗許多次，令到冇晒茶味。如果要每位收茶錢嘅話，就一定要投訴。第四，點心落單混亂，出現遲嚟先上岸的情況。有三枱較遲入座顧客所落單嘅點心食物，竟然快過幾枱較早已經入座顧客有食物可供食用，有較早入座的顧客等了超過30分鐘都係無嘢食，差啲想拍枱走人。比錢買難受！第五，食物偏鹹，調味料蓋過海鮮嘅鮮味，感覺就似食緊調味料多過食緊海鮮。第六，可以落單食到想食的點心全部靠彩數！晚上八點後，有客人落單想叫籠仔荷葉蒸多寶魚，職員話冇，想叫蒸奶皇
呢間餐廳乏善足陳的情況總結如下：
首先，OpenRice 出現個預約電話係假的，打極無人接，大家可以慳返。由晚上五點五十五分已有約十三人排隊等位，等到晚上七點左右先有四人枱可以入座，店員只顧安排二人枱，有三枱二人客遲嚟先入座。餐廳入座安排有D胡亂來。
其次，見到隔離枱客有落錯單（明明無叫鮮竹卷，但又想放低籠鮮竹卷比個客）及有漏單（漏咗蒜蓉蒸鮮魷）嘅情況，各店員仲發揮「呢單嘢唔係我跟開」嘅工作精神，紛紛話唔知。
第三，免費的茶水，淡而無味，應該係同一個茶包反覆沖咗許多次，令到冇晒茶味。如果要每位收茶錢嘅話，就一定要投訴。
第四，點心落單混亂，出現遲嚟先上岸的情況。有三枱較遲入座顧客所落單嘅點心食物，竟然快過幾枱較早已經入座顧客有食物可供食用，有較早入座的顧客等了超過30分鐘都係無嘢食，差啲想拍枱走人。比錢買難受！
第五，食物偏鹹，調味料蓋過海鮮嘅鮮味，感覺就似食緊調味料多過食緊海鮮。
第六，可以落單食到想食的點心全部靠彩數！晚上八點後，有客人落單想叫籠仔荷葉蒸多寶魚，職員話冇，想叫蒸奶皇包，職員又話冇，想叫蒸扇貝，職員又話冇。送客人三個失望。笑咗！
呢呢餐廳似乎只喜歡招待二人入座嘅顧客，因為超過二人嘅顧客，係要懲罰性等耐啲先可以入座。現場觀察四人枱坐四個人係迫逼澀澀。相反，二人入座嘅顧客，職員多數會安排四人枱比二人顧客入座。奇怪安排。
Post
