泰軒美食 (Closed)

呢間嘢都幫襯咗好幾年，多數堂食，食物ok，但服務態度就有保留，初初都還可以接受，最多落單時語氣唔係幾好，但近幾年都係打去叫外賣多，聽電話嗰個應該都係老細，語氣都係差，好晦氣嗰種，都算，簡單落完單就算，我接受....但早兩日打去叫外賣，佢嘅態度同語氣竟然差到正常人係接受唔到，我本身係打算叫兩個唔同嘅炒飯，講完一個炒飯後，佢即刻問我飲咩，我答咗佢，佢跟手再即刻問我仲要啲咩，我話要一個xxx炒飯，佢即刻炳我，話要叫完廚房嘢先叫水吧嘢，嘩，佢痴線架？又係佢自己即刻問我飲咩先嘅，唔講仲以為我向佢乞咁，真係火都嚟，我咪即刻炳返佢囉，真係完全冇諗過叫外賣都可以搞到一肚火，叫完之後，越諗條氣就越唔順，於是轉頭我就打去取消，佢竟然話唔得，話已經整好咗，叫我即刻去攞，我梗係睬你都有味啦，永遠都唔會再幫襯呢間垃圾!😡😡😡