Video
Read full review
2008-07-09
56 views
早兩日難得好友食家"乜都放入窿"過開海, 又可以夾到時間, 於是就相約師傅共進午膳, 話時話師傅真係好耐都冇同好友食家"乜都放入窿"午膳喇, 所以都幾開心同興奮, 亦不禁令師傅想起讀書嘅情景!好閒話休提, 一見到好友食家"乜都放入窿"後, 先至開始諗下食咩好; 一面沿路向銅鑼灣方向行, 一面開始搜索; 師傅知道好友食家對午餐份量要求唔多, 質素反而重要, 咁啱行到鵝頸街市嘅熟食中心樓下, 師傅就問下好友食家有冇興趣, 皆因上面選擇又多, 味道都討好; 而好友食家"乜都放入窿"皆因從未試過, 所以亦決定一試!同好友食家兜左個圈到, 師傅就提議呢間食店, 皆因每次師傅經過都會見到好多人排隊, 加上我倆都未試過, 就扑錘!呢間食店主打係車仔麵,師傅當然唔會錯過啦, 於是就去排隊柯打; 而好友食家"乜都放入窿"就柯打左個輕量級食物, 奶醬多同凍鴛鴦!先講下師傅個車仔麵, 要左四餸, 三豬一牛加米粉, 豬紅, 豬皮, 豬腸同牛肚! 先試下個湯底, 味道較淡口, 不過咁都好至少唔會有味精; 豬紅都幾滑身, 但唔會係一夾就散, 可以啦; 豬皮未算好爽口, 有幾片過腍, 質素參切, 普通; 豬腸就炆
好閒話休提, 一見到好友食家"乜都放入窿"後, 先至開始諗下食咩好; 一面沿路向銅鑼灣方向行, 一面開始搜索; 師傅知道好友食家對午餐份量要求唔多, 質素反而重要, 咁啱行到鵝頸街市嘅熟食中心樓下, 師傅就問下好友食家有冇興趣, 皆因上面選擇又多, 味道都討好; 而好友食家"乜都放入窿"皆因從未試過, 所以亦決定一試!
同好友食家兜左個圈到, 師傅就提議呢間食店, 皆因每次師傅經過都會見到好多人排隊, 加上我倆都未試過, 就扑錘!
呢間食店主打係車仔麵,師傅當然唔會錯過啦, 於是就去排隊柯打; 而好友食家"乜都放入窿"就柯打左個輕量級食物, 奶醬多同凍鴛鴦!
先講下師傅個車仔麵, 要左四餸, 三豬一牛加米粉, 豬紅, 豬皮, 豬腸同牛肚! 先試下個湯底, 味道較淡口, 不過咁都好至少唔會有味精; 豬紅都幾滑身, 但唔會係一夾就散, 可以啦; 豬皮未算好爽口, 有幾片過腍, 質素參切, 普通; 豬腸就炆得好腍, 咬口一流, 唔錯; 而牛肚賣相唔靚, 皆因唔係金錢肚, 但就夠腍夠入味, 都幾好味, 仲都點? 米粉就冇咩特別, 不過份量都唔少, 加埋辣椒醬好味, 唔錯; 凍檸茶都幾好, 茶味都幾濃, 加上又夠凍, 都幾好味!
而好友食家"乜都放入窿"嘅奶醬多, 師傅就冇試到, 但見到奶醬嘅份量都幾多, 多士應該係即叩即烘, 賣相都幾脆; 而凍鴛鴦師傅亦有幸一試, 茶味濃時啡亦香, 真係估佢唔到咁正!
總括黎講食物質素頗好, 加上選擇又多, 唔會獨沽一味得車仔麵, 仲有豬扒包, 三文治同多士等, 實有一樣啱你心水; 環境都幾舒服, 冷氣充足, 師傅都冇食到成身汗; 服務都幾友善; 價錢係非常實惠, 十八蚊一碗三餸車仔麵, 加多一個餸就四蚊, 凍飲就加多六蚊; 而奶醬多加凍鴛鴦都係十三蚊, 即係大約七蚊份奶醬多, 六蚊杯凍鴛鴦啦, 好抵食!
起初師傅都擔心呢間食店會唔會改錯名, 皆因發音唔準除時讀左"求其"; 但今次同好友食家"乜都放入窿"午膳後, 大家一致認同呢間食店都幾掂, 一啲都唔求其, 所以有機會一定會再黎, 笑臉一定要比啦!
Post
