蓮香棧 (Closed)

星期日，夜晚六點，行過綠楊坊，見到蓮香棧有位唔使等，門口個知客又大力推薦，好喇，只有二個人晚餐都試下喇。先講個裝修，大致同中環蓮香樓差不多，都係走懷舊路線，也算坐得舒服，但是當續後坐滿人時，就會覺得環境比較嘈吵了。以前多篇食評中被人垢病的待應的態度今次也感受到。碰到一個除了推薦貴價菜式時臉色好點外，大都是撲克臉、平板聲的待應，希望只是其中一、二位的個別問題吧。想點鴨腳包，可惜沒有供應。結果叫了香煎蓮藕餅、東江豆腐煲，蒜蓉芥蘭，埋單$282，價錢都可以接受的。香煎藕餅不過不失，有八件，熱度一般，味道也算可以，個人口味是希望蓮藕的比例多一點。東江豆腐煲和我認知的大相徑庭。上來的只見是有數件鯪魚肉釀在豆腐表面的煲仔湯菜，湯中還有生菜及草菇。其他食肆通常叫這個做鯪魚釀豆腐煲，和叫做東江的扯不上關係吧。湯味鮮甜，而且食後不覺口渴，0k嘅。豆腐用上了百福，口感嫩滑，不錯。全晚最精彩是蒜蓉芥蘭，用料揀手，芥蘭脆嫩冇渣，而且沒有先焯後炒，食得開心。臨走問問其中一位待應自己帶酒收幾錢開瓶費？答案是：不知道，要問問部長！最後總算問到是收＄30，還是可以接受嘅。