Agura東京ラーメン (Closed)

同花老嘢係天文台圍HH完隨便係附近搵食。一直有留意Agura，不過怕要等位所以冇去試。今晚去到唔使等喎，咁就入去食下喇。個個都係食沾麵，我哋都唔執輸要細沾麵走蔥唔該。先唻兩碗湯。。。原來有分男女架男果碗紅d，女果碗啡d。師傅話男果碗係濃d,而女果碗係清d。我試咗一啖老嘢果碗，再試自己。。。我果個好濃亦會飲到魚味，反而老嘢果款得個咸字（我估師傅用湯唻point out＂男人真係鐘意咸＂呢個意思。。。）不過我碗湯初初唻到冇攪佢，有層油浮係面，有d唔敢食actually，哈哈哈之後d麵到，係我同老嘢鐘意嘅粗面。夾d麵點湯食。。。um。。。冇驚喜wor，d湯唔係咁掛到麵噃，加上d麵唔熱（我係好鐘意食熱辣辣嘅麵嘅人），食食下開始覺得沾麵not my cup of tea。至於塊叉燒，好係佢唔肥囉，唔好係我覺得佢有d乾。總括唻講，我應該唔會再去Agura食喇，唔係佢d麵唔好食，而係原來我係唔buy沾麵囉（之前去東京食大勝軒都係食湯拉麵冇食沾麵，如果唔係我諗今晚一定唔會唻。。。）。我都有問老嘢覺得好唔好味，老嘢話佢除咗覺得好咸之外冇咩其他感覺，佢都like熱辣辣嘅拉麵多d喎。其實佢都有湯拉麵嘅，不過