天澄閣中菜廳

Open Now

Now Closed

今晚有朋友結婚，喺呢一間位於酒店嘅中菜廳擺酒， 未講嘢食之前先講下佢個位置， 實在係太太太搞笑啦， 喺紅磡火車站出口出咗嚟之後兜來兜去，足足行咗十幾分鐘先到，唔容易搵。 野食其實好麻麻， 個乳豬肥膏多過皮同肉， 稍為好少少嘅係個蟹鉗，因為炸到金黃色幾靚， 但係其實都食得出入面有好多粉，醬汁亦無供應。 另外個燕窩呢 ，太淡喇， 燕窩嘅份量都幾多，但係就食得出唔係靚嘅燕窩。 要讚嘅係炸子雞， 除咗又係炸到金黃色，賣相好之外，佢係非常之嫩滑，雞胸都好嫩滑， 另外，我要讚嘅係紅豆沙，因為佢不太甜，剛剛好。