麻辣派對 (瑞生酒店) (Closed)

一般的酸辣粉前日中午lunch去咗呢間麻辣派對食，酸辣粉不嬲都鍾意食，見呢間四川野喺尖沙咀開咗一段時間，所以就去試吓。同同事每人簡單嗌咗兩個酸辣粉，佢一個係五香牛腩酸辣粉（ BB辣），餐飲凍檸茶，我一個係金牌酸辣粉（小辣）。因為食飯時間嘅關係都等左20分鐘先至上菜。我哋1:25嗌， 1:45上菜，如果lunch Time比較趕時間嘅話就真係唔太建議黎食。五香牛腩酸辣粉（ BB辣）都好大碗下，個牛腩都叫多，有7，8舊，朋友唔太食得辣，食到尾都唔太頂得順。凍檸茶大大杯。金牌酸辣粉（小辣）都好大碗，酸菜，花生，肉碎嘅份量就唔算太多，酸辣粉個質感到一般，比較淋身。酸辣粉當然追求算難啦，呢個酸辣粉以酸味來講，就唔太算，得辣only。以麵食黎講時間都叫等得耐，街邊嘅酸辣粉感覺好食點，又平啲。