餃嘢 (Closed)

依家香港開咗好多餃子店，質素越來越高，食得多，難免期望都會高咗。對比起好食嘅餃子，個人認為呢一間比較一般。先講佢嘅賣點餃子，餃子皮薄而煙靭(唔係讚), 皮面平滑唔掛湯/汁，大扣分！至於餃子餡，我叫咗羊肉大蔥和芝士牛肉蘑菇，當你以為兩款都好重味嘅時候，其實兩款都係估唔到咁淡味… 應重味嘅唔重味，大大扣分！另一方面就係雙拼餃子，但都擺喺同一隻碟，令人冇可能分得出係邊一種餃子，實在唔方便。總括嚟講，呢間店我試過一次就夠，冇原因再返去。