越男仔

Open Now

Now Closed

💛已經有一段時間冇去旅行喇。突然口痕好想食東南亞嘢。如果去過阿木台灣麵都一定會留意到喺隔離嘅越南仔。既然出開旺角就去試吓佢啦。- 椰香拉茶（冷/熱、走甜）😬似椰漿加拉茶。走甜令茶味更突出，茶底香但帶苦澀。拉茶茶底同平時嘅奶茶紅茶底唔同，有少少Chai Tea嘅風味。我就麻麻地喇。-皇牌3+2撈檬（手撕雞＋豬頸肉絲＋脆豬肉＋扎肉絲＋烤牛肉）😬邊啲係雞絲，邊啲係豬頸肉絲，我已經傻傻分不清喇。脆豬肉炸得好乾身，硬到咬唔到。扎肉絲同烤牛肉係當中較好味嘅配菜。食咗兩啖檬粉，覺得好淡，好似差咁啲嘢咁。係撈檬嘅魚露呀！但望一望自己同附近嘅枱都冇，心諗應該係用肉絲撈呱。食完先見到店員上撈檬嘅時侯係會同時附上魚露。😳係咁啱漏咗俾我。今次食咗個好清淡嘅撈檬。火炙香茅燒汁薄燒牛配白飯＋牛骨湯😀牛骨湯好鮮甜！😀燒汁好惹味，配埋醃菜可以食好多碗飯。😬牛肉嘅口感有啲奇怪，有啲似parma ham嘅質地。牛肉冇火炙嘅香味同調味，所以比較淡，醬汁分量加多一啲會更加好。欣賞佢哋嘅餐牌有好多唔同款式嘅食物同飲品俾大家揀。上餐嘅都速度好快。食物就仲有進步嘅空間。可以加多啲香葉、香料同醃料會更貼近越南嘅味道。