梅花邨小館

Open Now

Now Closed

星期五收工，約咗幾個好友一齊去打冷飲啤酒。有人介紹梅花村，話呢度啲打冷幾正宗，抱住一試無妨嘅心態，山長水遠由港島南去到長沙灣試食。試食咗幾樣野，包括豪餅，滷水拼盤，蝦棗拼蟹棗，小炒王，鵝片，鵝腸。味道黎講，尚算可接受，但係一定唔突出。印象最深刻嘅一定係豉油王鵝腸，份量唔細，肥膏香口，鵝腸爽脆。值得推薦俾各位。至於其他菜式來講，味道只屬一般，價錢亦都唔算太便宜。環境方面，一早已經book咗枱，但係侍應仍然安排我哋坐喺樓梯位， 不太理想，好多人行嚟行去，明明見到仲有其他位，亦都唔會主動安排我哋轉枱，有啲失望。值得一讚嘅係，食到最尾，侍應會睇我哋仲有10分鐘左右要離場，亦都會主動奉送甜品。