八沢 (筲箕灣東大街)

Open Now

Now Closed

放長假黎東大街道食飯，都已經八點幾，估唔到都仲係間間好多人。唯一揾到呢一間都仲有一張枱，我哋就即刻入咗去食啦。叫咗一個好似係招牌嘅黑松露忌廉海鮮烏冬，黑松露超級香，忌廉汁呢唔係好杰，係kind of湯咁樣，但係自己一人食曬全個嘅話應該會覺得好漏，我哋係幾人一齊share就感覺比較好。同埋叫咗另一個係最普通嘅牛肉烏冬，清清地中和下幾唔錯，比我想像中好食，牛肉好薄但唔硬。仲有一個安格斯牛扒咖哩飯，啲牛肉係真係唔錯嘅，但係個飯整體唔係好夠熱。佢可以加錢($5) 轉烏冬，所以另一個就嗌咗咖哩豚肉烏冬，豚肉非常乾嗰種，唔好order呢個。仲有嗌咗一個雜錦雞肉串燒set﹐總共有六串，其中有一個好似係將啲雞肉同埋雞軟骨MIX 埋變免治雞肉棒，呢個都幾好食，仲有雞腎同埋雞軟骨，正正常常。另外再嗌咗一個厚切牛舌，非常之厚，燒出嚟脆脆地好好食。