茶涮涮 (Closed)

一號風球兼星期六，心思思想打邊爐。原本已經係openrice成功訂左另一間火鍋店，可惜5點左右火鍋店通知其實已經冇位，openrice系統攪錯左😫。所从立即再揾下有冇其他選擇，見茶涮涮食評幾好又有得訂位，所以唔再諗咁多，訂完立即出發! 到達時6:30左右，已經有一對日藉夫婦落緊order。男侍應流利日本對答，見日藉夫婦好滿意咁😄。我地都開始睇menu，首先叫左一罐Kirin一罐Asahi（@58小小貴），然後叫一份熊本和牛盛合涮涮鍋（$598），一客加州卷（$80）同一客吉列廣島蠔（$80）。和牛盛合有刺身五點，非常新鮮，已經唔記得排放核污水事件🙈。海鮮有野生虎蝦，星班，松葉蟹棒同鮑魚，全部都彈牙美味😋。牛肉有A5和牛肉眼，CBA牛五花，澳洲一級肉眼，北海道四元豚腩，和牛肉眼最👍。我地揀左豆乳豚骨湯鍋，香濃豆味😋。最後仲有野菜拼盤，稻庭烏冬同雪糕作結尾! 準備埋單時見後面嗰台叫左個日本sake tasting set，只係$68。毫不猶豫又叫黎試下，再點多份炸紫菜白飯魚干（$80）餸酒🤭。三杯sake雖然唔算特別出色，但絕對抵飲過啤酒！真心食物唔貴，地點同服務又好，但成晚只有5枱客!