Mizu (Closed)

早前見到佐敦一間串燒店好吸引，就訂了位同朋友去食晚餐。食串燒當然要飲吓啤酒，我就點咗黑啤。唔飲酒嘅朋友都有好多選擇，其中有唔同口味嘅氣泡茶都好吸引。朋友點了熱情果氣泡綠茶，酸酸甜甜茶味都平衡，好清爽。特別鍾意佢地有唔同嘅串燒Omakase，咁就可以唔洗諗又可以試到好多款item。今次我地就揀咗Mizu串燒Omakase，有晒佢地嘅招牌串燒。Mizu串燒Omakase先有2款前菜，紅酒蕎頭酸甜脆爽，芥末八爪魚開胃，送酒一流。5款串燒包括秘製雞肉棒棒、一骨手羽先、新鮮白鱔、安格斯牛小排、日本青椒仔。每款都好出色，特別鍾意安格斯牛小排，牛肉十分腍嫩，一咬更爆汁呢。秘製雞肉棒棒調味剛剛好，好鍾意個醬汁。一骨手羽先雞皮燒到好脆，肉仍好嫩。新鮮白鱔肉有彈性魚肉好香。主食係燒明太子飯團，除咗食香脆嘅原味仲可以浸入茶漬飯，兩種滋味。我更鍾意加入wasabi多種層次同埋刺激味蕾。赤鯛一夜干有大同細選擇，我地兩個人所以就點左細。魚皮好香脆，魚肉好細嫩仲帶魚脂香。唔少得再額外點啲串燒試吓啦，雞心、雞腎口感之選係我每次必點，雞腎好爽帶嚼勁，雞心味道好濃。日本豆腐燒外脆內嫩，木魚花配搭都唔錯。三黃雞腿肉係必點，