Video
Read full review
2018-01-27
1384 views
今日收工約咗班朋友出尖沙咀一間餐廳食蠔&海鮮大家都係愛食之人，依間朋友之間食過，介紹我地一定要試下餐廳幾有情調，暗暗既燈光加上高腳櫈，坐得幾舒服，亦非常適合飲酒傾計，依度既選擇非常多，如果有選擇恐懼症既朋友，可以請教下職員，佢地好細心地介紹唔同從世界各地採購既海產，而且係立即運到香港，非常新鮮，價錢雖然貴，不過物有所值今晚最大既目標就係蠔喇叫咗六款各六隻蠔，餐廳會將各款蠔由淡到濃味順序放好，咁就可以完美地品嚐各款蠔既鮮味，我地分別叫咗Honey Point, Irish Gigas, Lambert, Majestic, Gillardeau, La Perle Noire，每款都無得輸，超級新鮮，大滿足除咗蠔我地邊會放過其他海鮮，仲叫咗北海道赤貝、紐西蘭深海龍蝦仔、法國藍青口、龍蝦刺身&蒸蟹，要環遊世界一周，其中我第一次食深海龍蝦仔，肉質細嫩有彈性，口感爽脆帶甜比龍蝦刺身更高一層次，而且紐西蘭政府有捕撈限制，所以好珍貴，當然其他各款海鮮都非常新鮮，真係一分錢一分貨個蟹蓋有手既size咁大，有蟹肉蟹膏等，味道甘甜，越食越想食而且已經攪拌好，方便客人食，非常細心食完海鮮就要食下主菜正餐，
今晚最大既目標就係蠔喇叫咗六款各六隻蠔，餐廳會將各款蠔由淡到濃味順序放好，咁就可以完美地品嚐各款蠔既鮮味，我地分別叫咗Honey Point, Irish Gigas, Lambert, Majestic, Gillardeau, La Perle Noire，每款都無得輸，超級新鮮，大滿足除咗蠔我地邊會放過其他海鮮，仲叫咗北海道赤貝、紐西蘭深海龍蝦仔、法國藍青口、龍蝦刺身&蒸蟹，要環遊世界一周，其中我第一次食深海龍蝦仔，肉質細嫩有彈性，口感爽脆帶甜比龍蝦刺身更高一層次，而且紐西蘭政府有捕撈限制，所以好珍貴，當然其他各款海鮮都非常新鮮，真係一分錢一分貨
個蟹蓋有手既size咁大，有蟹肉蟹膏等，味道甘甜，越食越想食而且已經攪拌好，方便客人食，非常細心
食完海鮮就要食下主菜正餐，首先係蒜蓉包&龍蝦湯，依個湯賣相同飲落一樣非常濃郁，仲加咗唔小龍蝦肉入去，因為好濃味，所以配搭麵包就最好不過
Angus Rib Eyes with Salad $298
安格斯肉眼扒，約8成熟，肉質鮮嫩帶紅色，加上上面放咗洋蔥，味道滲入牛肉，味道香濃得黎又有小小甜味，上枱時已經幫客人切好一條條，啱曬我依啲懶人
Prawns Risotto
食到依度已經開始飽不過依個非洲虎蝦意大利飯真係太吸引喇，一上枱已經香氣撲鼻，賣相仲要咁可愛，每粒飯都沾到汁，落咗三色椒，令意大利飯帶小小甜，虎蝦肉彈牙，大大舊肉，味道口感都好滿足
今晚真係太滿足喇竟然比我地搵到間咁有質素既餐廳，雖然價錢唔平，不過質素高，物有所值，又可以食到來自唔到地方既新鮮食材，有啲海鮮我之前都冇食過，係依度可以搵到，服務方面亦唔錯，下次一定會再光臨
Post
