皇冠冰室 (Closed)

皇冠冰室，有兩間店，分別係長沙灣同旺角，係一間新既冰室。我叫左早餐A，係火腿鮑魚絲通粉，西煎雙蛋，牛油餐包，最後又點少得我最愛既凍檸茶呢。盛惠$38，凍飯加左$3。坐位都算闊落，但仍有進步空間，不過佢係一間冰室，所以冇咩問題。野食方面，先講西煎雙蛋，典型既爆黃煎蛋，煎蛋既圓周冇咩燶位，個人比較喜歡冇燶既煎蛋，所以幾好。至於個主食，通粉保持到一定既硬度，彈牙，已經合格，加上火腿鮑魚絲既份量都唔少，個雞湯都ok。凍檸茶，唔會過甜，叫左少冰但都仲有較多冰，唯一既缺點。最後要講既係牛油餐包，留到最後講，因為佢意外地做左主角，留意番，皇冠冰室有賣面包，個餐包係熱既，再加上佢綿綿既texture，令佢係依餐飯上面跑出，做主角。整體黎講，可以一試再試。