Video
Read full review
2021-04-22
147 views
今晚同朋友去咗食喺旺角TOP商場入邊嘅柞木炭家。我哋今日點左個王道套餐，除咗烤肉之外仲有前菜、海鮮拼盤、海鮮豆腐湯、甜品送埋，我哋兩個人食都食到超飽。前菜有一個擔擔味嚕茄子，呢個前菜絕對係超晒班。雖然係茄子探探地冇咩味但係佢個味醬真係10分出色，味道豐富有層次而且唔會一味得個咸字。烤肉主打係慶州牛，除咗牛之外仲有原條嘅韓式五花肉！講返個牛先，啲牛真係靚到完全唔使點任何醬，只係需要點少少鹽都已經夠好食。將牛肉嘅表面燒到微微焦香，入邊就唔使咁熟medium rare咁食就得！另外仲有個海鮮拼盤入邊係有紅蝦兩隻同埋大墨魚。紅蝦燒完之後蝦頭超多蝦膏，而且仲品嚐到啖啖肉👍至於墨魚方面一邊係有醃咗嘅墨魚另一邊就係冇醃嘅墨魚。墨魚都係新鮮嘅，所以食落口都係彈牙，有無醃睇個人口味啦。另外重點左個和牛三文治（$318），雖然單價係貴咗少少，但係真係個三文治真係好豪華好好食，和牛雪花分布平均，而且兩邊表面微微煎過，再加埋燒汁嘅配襯！比起我喺日本食嘅有過之無不及。最後上埋個海鮮豆腐湯我哋已經食到超級飽，海鮮豆腐湯入邊嘅海鮮係有青口、蜆、蝦等等多款唔同嘅海鮮。我自己就特別喜歡食豆腐，個豆腐真係超級滑。而且個湯
前菜有一個擔擔味嚕茄子，呢個前菜絕對係超晒班。雖然係茄子探探地冇咩味但係佢個味醬真係10分出色，味道豐富有層次而且唔會一味得個咸字。
烤肉主打係慶州牛，除咗牛之外仲有原條嘅韓式五花肉！講返個牛先，啲牛真係靚到完全唔使點任何醬，只係需要點少少鹽都已經夠好食。將牛肉嘅表面燒到微微焦香，入邊就唔使咁熟medium rare咁食就得！
另外仲有個海鮮拼盤入邊係有紅蝦兩隻同埋大墨魚。紅蝦燒完之後蝦頭超多蝦膏，而且仲品嚐到啖啖肉👍至於墨魚方面一邊係有醃咗嘅墨魚另一邊就係冇醃嘅墨魚。墨魚都係新鮮嘅，所以食落口都係彈牙，有無醃睇個人口味啦。
另外重點左個和牛三文治（$318），雖然單價係貴咗少少，但係真係個三文治真係好豪華好好食，和牛雪花分布平均，而且兩邊表面微微煎過，再加埋燒汁嘅配襯！比起我喺日本食嘅有過之無不及。
和牛三文治
$318
2 views
0 likes
0 comments
最後上埋個海鮮豆腐湯我哋已經食到超級飽，海鮮豆腐湯入邊嘅海鮮係有青口、蜆、蝦等等多款唔同嘅海鮮。我自己就特別喜歡食豆腐，個豆腐真係超級滑。而且個湯都有海鮮嘅鮮味，所以撈埋個飯好快就K.O.左！
特別提醒下可能因為餐廳想盡快抽走啲燒烤味，所以佢地都開到個冷氣都幾凍，所以想去食嘅朋友記得帶多件衫呀。
Post
