麵道 (Closed)

身為拉麵控，屋企附近開左新店，當然要試試！這間成日見到有人排隊，所以5pm就來食個early dinner.. 唔洗等 我order龍蝦豚骨湯，老公要雞白湯。落左單都等左成10mins先有得食！But it worth the wait!!! 一上枱湯味好濃郁好香，第一啖飲湯，真係好正，好有驚喜。好好好味道呀！兩個湯底都好好味，龍蝦湯好鮮，而且唔油膩。雞湯濃厚，一飲就知熬左好耐！豚叉燒好林，入口溶化，雞叉燒就好嫩滑，好有雞味。我喜歡幼麵(太麵)，很掛湯。特別欣賞提供的蒜頭粒和工具，可以自己整新鮮蒜蓉。