M3 Italian (Closed)

很少會到沙田圍，今天無意中經過，見到M3這間餐廳幾有情調，便入去一試。入到去果然佈置得唔錯，幾雅緻,燈光柔和，坐得很舒服。餐牌選擇很多，有小食、pizza、意粉、steak、意大利飯、飲品選擇亦不少。我們點了一個小食拼盤，有雞翼、炸蝦、沙津同薯角，全部也好好味，尤其係雞翼，非常入味，炸得夠香又唔油膩。接著要了一個香草大蝦薄餅，薄餅很脆，薄薄的不會令你太飽，大蝦很大隻，非常足料，十級好味！超超超正既pizza,真係一試難忘。重有意大利腸肉野菌意粉，又是很足料，d肉腸很多，但意粉如可以軟身少少我會更鍾意。意粉d配菜都好好味呀！最精彩既當然係西班牙乳豬，我這個乳豬控，無論中、西式都好鍾意食，今次這個皮薄得來好脆，肉肥瘦適中，食落去甘香美味，真係好食到不得了。乳豬底重有薯蓉同埋紅菜頭絲伴碟，食完油油地嘅乳豬，再食伴菜，即刻平衡晒，非常好嘅配搭。差d忘記介紹左點菜後送上既香草餐包，餐包配上橄欖油，很不錯！今次叫了Shirley Temple，這個飲品以前去卡拉ok成日飲，今日再飲返，回味到以前快樂既時光餐廳播放著流行的英文歌曲，舒服既環境配上美食，人生一大享受，有機會一定再來。