秘 (鴻運樓) (Closed)

一行四人都第一次食秘，7點去到即刻有位， 但要齊人先可以入座，限時60分鐘。叫左牛舌芯+牛小排+黑松露吉列牛+牛肉野菜鍋諗住分享黎食。牛肉野菜鍋真係普通質素，牛腩加啲金菇蘿蔔菜咁樣，相比起其他板燒，有啲普通可以唔洗試。但係佢個黑松露吉列牛真係驚艷到我！🤤本身都幾鍾意食黑松露既味道，仲要加埋脆邊，同個牛好夾呀真係！連唔鍾意食黑松露既友人都話正~牛舌芯同牛小排就正常水準啦本身仲諗住星期五夜晚去食要等位，但係唔使等位之餘亦都唔滿座。最後提提只收現金，又唔係食十幾廿蚊野真係好唔方便。