Nissa la Bella (差館上街)

Open Now

Now Closed

有Restaurant week可以試到好多平時唔知唔熟嘅餐廳。今次去到上環近文武廟法式小餐館，餐廳唔算大，座位之間闊啲會好啲。午市套餐$198，有前菜主菜甜品同餐茶。揀左法式小蝸牛，雖然好多蒜蓉，同夠哂熱辣，但鹹味鮮味略嫌不足。雞肝醬食落唔腥，份量都多，但似普通貨色。主菜加錢要左flat iron steak 明明要咗五成熟，但嚟到變左一成。牛肉味唔出，肉汁就算咁生都欠奉，食落肉質普通。同專食牛扒嘅舖頭俾略為失色。另一個主菜要咗sea bass ，反而更令人驚喜。魚肉嫩滑冇骨，白汁唔會太肥配魚啱哂。甜品份量好大，一人一個雲呢拿雪糕泡芙，另外蛋白檸檬批都好好食，蛋白霜平衡咗檸檬酸，批皮都好香牛油味。不過總括而言，呢間未算太大驚喜，價錢還可以。餐廳有位講廣東話嘅外國人侍應服務態度幾好。