Video
Read full review
2010-07-16
17 views
好友極力推介, 所以試下.食物:1) 有一本MENU任ORDER, 總類算齊, 但刺身款式不算太多, 都係大路野, 但問題係, 某D切到好細塊, 例如赤貝, 螺肉, 手指公頭咁大片. 同埋我地兩個人, 每款刺身出三塊, 唔試轉膊.2) 揚物和燒物都十分好. 沙律亦不錯3) 每人只送一杯汽水, 兩啖飲完, 添飲每杯七蚊. 其實飲品係最唔值錢既野, 客人飲得多, 肚脹, 食既野自然會少左, 識唔識計數?!服務:1) 尋晚都幾多人, 唔知係咪放暑假, 都見有媽媽帶仔女去食. 所以漏單情況常出現. D食物逐碟上, 相隔時間又耐.........有幾次催單, 一催就有得食, 證明廚房已整好, 只係冇人拎出黎.2) 有個waitress, 唔知係咪暑期工定新人, 我地叫佢埋黎催單, 佢聽唔清楚我地講野, 竟然對住我地話: "唔知你講乜!!" 然後叫另一個waiter : "你睇下佢要乜, 唔係我跟開.". 唔知個客講乜, 咪話:"唔好意思, 可唔可以講多次", 唔係你跟, 咪話"請等等", 然後叫同事過黎跟囉, 冇腦!! 呢個waitress, 後來成盤食物跣左落地, 打爛碟, 嚇親我地d食客
食物:
1) 有一本MENU任ORDER, 總類算齊, 但刺身款式不算太多, 都係大路野, 但問題係, 某D切到好細塊, 例如赤貝, 螺肉, 手指公頭咁大片. 同埋我地兩個人, 每款刺身出三塊, 唔試轉膊.
2) 揚物和燒物都十分好. 沙律亦不錯
3) 每人只送一杯汽水, 兩啖飲完, 添飲每杯七蚊. 其實飲品係最唔值錢既野, 客人飲得多, 肚脹, 食既野自然會少左, 識唔識計數?!
服務:
1) 尋晚都幾多人, 唔知係咪放暑假, 都見有媽媽帶仔女去食. 所以漏單情況常出現. D食物逐碟上, 相隔時間又耐.........有幾次催單, 一催就有得食, 證明廚房已整好, 只係冇人拎出黎.
2) 有個waitress, 唔知係咪暑期工定新人, 我地叫佢埋黎催單, 佢聽唔清楚我地講野, 竟然對住我地話: "唔知你講乜!!" 然後叫另一個waiter : "你睇下佢要乜, 唔係我跟開.". 唔知個客講乜, 咪話:"唔好意思, 可唔可以講多次", 唔係你跟, 咪話"請等等", 然後叫同事過黎跟囉, 冇腦!! 呢個waitress, 後來成盤食物跣左落地, 打爛碟, 嚇親我地d食客, 有人好大聲講普通話: "不用緊張嘛", 佢塊面黑過鑊撈.
3) waiter/waitress上菜, 會將碟食物放在個客放在台上仲睇緊本menu上面.
4) 漏單又唔跟, 要催四三次.
5) 埋單後去廁所, 發現成間餐廳個地板已經十分污糟, 雖然三星, 點都叫"酒店", 衛生水平似茶餐廳.
總括而言, 可以一試.
Post