Video
Read full review
2024-10-04
44 views
呢度主打低碳生酮食物，仲係社企餐廳，成日會為弱勢社群提供免費飯盒，真係好有心。滑嘟嘟紫薯漢堡手工薯條，$98:漢堡包嘅麵包鬆軟，紫薯餡料又滑又香，而且仲夾住一大片素肉同蔬菜，咬落去口感極豐富！手工薯條外脆內軟，配埋紫薯漢堡，真係一個完美嘅組合。生酮全日早安，$138:有溫泉蛋、牛油果、七菜蕃茄、蘑菇、沙律、乳酪、生酮格子鬆餅同埋烤椰菜花。溫泉蛋嘅蛋黃流心，牛油果滑溜溜，七菜蕃茄同蘑菇都好新鮮，沙律清爽，乳酪酸酸甜甜，生酮格子鬆餅鬆軟，烤椰菜花香脆，真係每一樣都好好味。巴斯克蕉香芝士蛋糕，$58:呢個芝士蛋糕真係好香，每一啖都好綿密，芝士味好濃郁，超正。蛋糕嘅口感好滑，唔會太甜，食完唔會覺得膩。藍精靈（蝶豆花），$49、紅粉菲菲綠茶，$65:藍精靈顏色好靚呀，味道好清新，有種花香味，飲落去好舒服。而紅粉菲菲綠茶就係一個好特別嘅飲品，一入口有啲微酸，然後滲出淡淡嘅果香味，配埋綠茶嘅清香，真係好特別。呢度夜晚仲間唔中會有live band架！成件事好Chill呀！！
呢度主打低碳生酮食物，仲係社企餐廳，成日會為弱勢社群提供免費飯盒，真係好有心。
滑嘟嘟紫薯漢堡手工薯條，$98:
漢堡包嘅麵包鬆軟，紫薯餡料又滑又香，而且仲夾住一大片素肉同蔬菜，咬落去口感極豐富！手工薯條外脆內軟，配埋紫薯漢堡，真係一個完美嘅組合。
生酮全日早安，$138:
有溫泉蛋、牛油果、七菜蕃茄、蘑菇、沙律、乳酪、生酮格子鬆餅同埋烤椰菜花。溫泉蛋嘅蛋黃流心，牛油果滑溜溜，七菜蕃茄同蘑菇都好新鮮，沙律清爽，乳酪酸酸甜甜，生酮格子鬆餅鬆軟，烤椰菜花香脆，真係每一樣都好好味。
巴斯克蕉香芝士蛋糕，$58:
呢個芝士蛋糕真係好香，每一啖都好綿密，芝士味好濃郁，超正。蛋糕嘅口感好滑，唔會太甜，食完唔會覺得膩。
藍精靈（蝶豆花），$49、紅粉菲菲綠茶，$65:
藍精靈顏色好靚呀，味道好清新，有種花香味，飲落去好舒服。而紅粉菲菲綠茶就係一個好特別嘅飲品，一入口有啲微酸，然後滲出淡淡嘅果香味，配埋綠茶嘅清香，真係好特別。
呢度夜晚仲間唔中會有live band架！成件事好Chill呀！！
Post
