Video
Read full review
2022-05-13
761 views
呢間聽講係好難book,所以一開返晚市就即刻book~ 好好彩有位呢間餐廳好有隱世探店feel, 去到樓下要㩒鐘仔先會開門上去，好有神秘感🤣 即刻增添幾分期待～上到去有專人接待，帶你穿過一度又一度暖簾，終於黎到安排好嘅房間。呢度嘅環境好寬敞，雖然係日式餐廳，但有種好chill嘅感覺，可能因為佢裝修有種清新木質感。我哋好好彩安排咗係師傅嘅面前，可以全程欣賞師傅嘅表演～係加分咗唔少！😋我地揀咗粋set,$1880前菜已經好精緻，眼前一亮！教我地進食順序：豆漿腐皮/螢光魷魚/沖繩蟹肉海藻（個人覺得好酸，麻麻地）/螺/梅酒浸蕃茄（好好食😋梅酒嘅甜滲透入剝咗皮嘅蕃茄，好甜好fresh,完全冇酒嗰種苦味）刺身整體都好出色，係預計中嘅高質，但又有出色嘅位令你驚奇😍刺身一：岩手縣米崎真蠔，上面仲有酸汁啫喱。因為本身唔鍾意食生蠔，但呢個令我對生蠔改觀！完全冇生蠔嗰種腥臭味，反而好爽口又甜，食落去係飽滿嘅感覺，一啲都唔膩😋😋如果唔喜好creamy口感嘅，呢個一定會令你回味！刺身二：由左至右食起：剝皮魚加魚肝醬(呢個魚肝醬師傅加咗好多details落去，有小蔥碎同磨柑桔皮碎，包住魚刺身食落去，有肝油香之餘，
呢間餐廳好有隱世探店feel, 去到樓下要㩒鐘仔先會開門上去，好有神秘感🤣 即刻增添幾分期待～
上到去有專人接待，帶你穿過一度又一度暖簾，終於黎到安排好嘅房間。呢度嘅環境好寬敞，雖然係日式餐廳，但有種好chill嘅感覺，可能因為佢裝修有種清新木質感。
我哋好好彩安排咗係師傅嘅面前，可以全程欣賞師傅嘅表演～係加分咗唔少！😋
我地揀咗粋set,$1880
前菜已經好精緻，眼前一亮！教我地進食順序：豆漿腐皮/螢光魷魚/沖繩蟹肉海藻（個人覺得好酸，麻麻地）/螺/梅酒浸蕃茄（好好食😋梅酒嘅甜滲透入剝咗皮嘅蕃茄，好甜好fresh,完全冇酒嗰種苦味）
刺身整體都好出色，係預計中嘅高質，但又有出色嘅位令你驚奇😍
刺身一：岩手縣米崎真蠔，上面仲有酸汁啫喱。因為本身唔鍾意食生蠔，但呢個令我對生蠔改觀！完全冇生蠔嗰種腥臭味，反而好爽口又甜，食落去係飽滿嘅感覺，一啲都唔膩😋😋如果唔喜好creamy口感嘅，呢個一定會令你回味！
刺身二：由左至右食起：剝皮魚加魚肝醬(呢個魚肝醬師傅加咗好多details落去，有小蔥碎同磨柑桔皮碎，包住魚刺身食落去，有肝油香之餘，仲好清新，煙煙韌韌)/金目錭就比較普通，燒過皮都幾脆口，但略嫌唔夠香/反而下面嘅右口魚包住燒過嘅右口魚裙邊就好香口，燒過嘅油脂流晒出嚟，比右口魚包住一齊食落肚💯/最後係用黎清下口嘅青檸啫喱(都係覺得好驚艷🙊)
刺身三：慢煮鮟鱇魚肝。呢個真心正！滑嫩又creamy又肥美，好似食緊大大舊鵝肝咁，好滿足。最細心係夾埋蘿白片，嗰種甜脆，雙重口感，沖走咗膩，剩低嘅只有甜同鮮。
刺身四：拖羅三文治。幾創新但食落反而一般，因為大拖嘅肥美被遮蓋咗
跟住黎到料理嘅環節：毛蟹+蟹膏豆腐+蟹醋，上層係腿，下層有蟹膏碎肉，有層次得來，又啖啖肉，好輕易就用匙羹食😋仲有成塊嘅蟹膏啫喱，好特別，充滿海洋氣息又唔腥😍出色
另一個料理係原條紅燒喜知次，有日本紅寶石之稱！嫩滑又有魚香。上網check完先知原來好珍貴🙊真係值
然後嚟到壽司嘅部份，都係好出色，但係我覺得飯方面略嫌太酸，反而有啲搶咗刺身嘅味
帶子壽司、深海池魚壽司、火灸北寄貝壽司、池魚昆布壽司、淡路由良海膽、北海道馬糞海膽壽司、赤鯥魚壽司、深海鱈魚壽司
當中最驚艷就一定係呢個淡路由良海膽😍有種好特別嘅香味好似花香定係生果嘅清甜，係食完之後，口腔仲一直殘留住嗰種甜味😋一直到而家都念念不忘
最後師傅仲送咗蔥拖羅手卷俾我哋食🥳 裏面包左蔥同天婦羅碎碎，口感好豐富～
最後有成隻匙羹咁大嘅大蜆昆布清湯，同埋好甜嘅靜岡蜜瓜埋尾，好滿足又奢華嘅一餐😋開心
Post
