Video
Read full review
2010-06-05
48 views
端午節快到, 眼見各大酒樓餅店, 紛紛推出各式各樣嘅稯, 但肥師奶對呢d都不感興趣, 因為每年端午節, 我只會食一種稯, 就係曾記嘅潮州稯因為父母都係潮州人, 自小已經習慣食潮州稯, 試過其他稯, 但始終都覺得潮州稯最好味!潮州稯嘅糯米唔似其它稯嘅糯米白雪雪, 可能係用醬油撈過, 所以已經夠味, 唔洗點豉油, 反而自小阿媽教點白砂糖餡料有冬菇, 栗子, 蝦米, 肥豬肉, 豆沙無錯...一隻鹹嘅稯裡面有舊甜嘅豆沙!同親未食過潮州稯嘅人講到呢個配搭, 大家嘅第一反應都係...皺眉但試過之後, 所有人都會愛上呢個一試難忘嘅味道唔知點解, 雖然又鹹又甜, 但味道就係出奇的搭, 反而令一隻鹹嘅稯無咁寡往年都係母親大人負責買稯, 但礙於佢老人家行動不便, 今年本來話唔買但問我個廣東老公, 佢居然話想食潮州稯, 仲要預4隻俾佢就連去年第一次嘗試潮州稯嘅王經理, 都話要住4隻先, 可能下個禮拜再要加單(註: "一試難忘"就係套用王經理嘅食潮州稯後感)但要提提大家, 曾記嘅稯係要預訂! 可以預先打電話去訂定幾時攞, 因為佢地d訂單都多到做唔切, 唔好諗住去到即場有得賣! 越接近端午節正日, 佢地就越忙,
因為父母都係潮州人, 自小已經習慣食潮州稯, 試過其他稯, 但始終都覺得潮州稯最好味!
潮州稯嘅糯米唔似其它稯嘅糯米白雪雪, 可能係用醬油撈過, 所以已經夠味, 唔洗點豉油, 反而自小阿媽教點白砂糖
餡料有冬菇, 栗子, 蝦米, 肥豬肉, 豆沙無錯...一隻鹹嘅稯裡面有舊甜嘅豆沙!
同親未食過潮州稯嘅人講到呢個配搭, 大家嘅第一反應都係...皺眉
但試過之後, 所有人都會愛上呢個一試難忘嘅味道
唔知點解, 雖然又鹹又甜, 但味道就係出奇的搭, 反而令一隻鹹嘅稯無咁寡
往年都係母親大人負責買稯, 但礙於佢老人家行動不便, 今年本來話唔買
但問我個廣東老公, 佢居然話想食潮州稯, 仲要預4隻俾佢
就連去年第一次嘗試潮州稯嘅王經理, 都話要住4隻先, 可能下個禮拜再要加單
(註: "一試難忘"就係套用王經理嘅食潮州稯後感)
但要提提大家, 曾記嘅稯係要預訂! 可以預先打電話去訂定幾時攞, 因為佢地d訂單都多到做唔切, 唔好諗住去到即場有得賣! 越接近端午節正日, 佢地就越忙, 好多時全部爐頭都要騰出o黎蒸稯, 所有其他食物一概唔供應, 你話幾誇
總之, 未食過潮州稯嘅, 真係絕對值得一試! 好味道之餘, 價錢超級抵食, 只係$25一隻!
Post
