Cucina

疫情下無得堂食晚餐，當然要趁住午餐好好善待自己，揀間靚啲嘅餐廳好好享受。我最鐘意呢度可以欣賞無敵維港海景，而且以酒店午餐黎講，價錢又相宜。香煎鴨肝煎得非常香嫩，凍肶配布莉歐麵包加上紅莓，口感清新唔會漏，侍應建議搭配德國甜酒解膩，想不到效果非常出色。龍蝦湯creamy 但略嫌咸咗少少，入面有龍蝦肉，非常彈牙。招牌的精選紅蝦意大利麵，手工麵條煙韌，每條麵都沾上濃郁嘅蕃茄醬及蝦膏，食落非常開胃，記得一定要啜埋個蝦頭，非常鮮甜！扒西冷伴香蒜蓉及黑椒汁，西冷肉味同口感都唔錯，生熟程度建議medium rare，肉扒會更嫩。甜品方面，加錢選了期間限定的白松露雪糕，聞落去嘅香味已經足夠令我享受，雪糕本身已經充滿陣陣白松露香，加上頗多的白松露片，味道真的一試難忘！環境舒適，餐飲服務優良，侍應非常細心，整體食物不錯，值得一試。