Video
Read full review
2022-08-28
95 views
一試難忘第一豬 銅鑼灣高質中菜廳～～～呢間位於時代廣場嘅中餐廳，門口大大隻字寫住天下第一豬，想食好耐，見到佢哋有午市套餐，就入嚟試一試。～～～餐廳裝修非常華麗，樓底高，午餐時間都幾多人嚟食，用餐環境非常舒適。～～～一坐低我哋就叫咗荔枝玫瑰茶，茶底香濃，之後佢地再免費送上水晶花膠凍，話係今期比客人試下嘅前菜。酸酸地嘅啫喱醋非常開胃，配搭花膠凍有提味效果又不太搶味。～～～#水晶菜苗餃#灌湯豚肉小籠包#通心脆脆卷#瓦罉啫啫唐生菜#即燒無花果天下第一豬#辣味蘿蔔糕～～～水晶菜苗餃外皮晶凝通透，裏面嘅餡料非常足，翠綠嘅菜苗配搭爽口蝦肉，高質。～～～小籠包嘅肉味非常重，咬落去一口bit汁，記得喺個頂部先咬一個窿，飲咗啲湯再擺落口，以免燙口。～～～通心脆脆卷就係素春卷，外皮紙薄香脆，內層餡料濕潤。～～～之後上嘅就係我哋最期待嘅天下第一豬，佢哋嘅天下第一豬其實就係燒乳豬，配搭自家調配嘅無花果醬。乳豬啱啱好熟，香脆非常嘅表層，下面是一層薄薄脂肪，脂味香濃，加上柔軟嘅豬肉，同埋甜度自然而不太過嘅無花果醬料，作為鎮店招牌，確實不得不讚，係真係出色。～～～簡單嘅唐生菜亦出乎意料地出色，啫啫汁香濃非常，一上檯香
～～～
呢間位於時代廣場嘅中餐廳，門口大大隻字寫住天下第一豬，想食好耐，見到佢哋有午市套餐，就入嚟試一試。
～～～
餐廳裝修非常華麗，樓底高，午餐時間都幾多人嚟食，用餐環境非常舒適。
～～～
一坐低我哋就叫咗荔枝玫瑰茶，茶底香濃，之後佢地再免費送上水晶花膠凍，話係今期比客人試下嘅前菜。酸酸地嘅啫喱醋非常開胃，配搭花膠凍有提味效果又不太搶味。
～～～
#水晶菜苗餃
#灌湯豚肉小籠包
#通心脆脆卷
#瓦罉啫啫唐生菜
#即燒無花果天下第一豬
#辣味蘿蔔糕
～～～
水晶菜苗餃外皮晶凝通透，裏面嘅餡料非常足，翠綠嘅菜苗配搭爽口蝦肉，高質。
～～～
小籠包嘅肉味非常重，咬落去一口bit汁，記得喺個頂部先咬一個窿，飲咗啲湯再擺落口，以免燙口。
～～～
通心脆脆卷就係素春卷，外皮紙薄香脆，內層餡料濕潤。
～～～
之後上嘅就係我哋最期待嘅天下第一豬，佢哋嘅天下第一豬其實就係燒乳豬，配搭自家調配嘅無花果醬。乳豬啱啱好熟，香脆非常嘅表層，下面是一層薄薄脂肪，脂味香濃，加上柔軟嘅豬肉，同埋甜度自然而不太過嘅無花果醬料，作為鎮店招牌，確實不得不讚，係真係出色。
～～～
簡單嘅唐生菜亦出乎意料地出色，啫啫汁香濃非常，一上檯香氣就彌漫到空氣當中，菜脆綠爽口。
～～～
最後一道菜，辣味蘿蔔糕則非常獨特，蘿蔔糕食得多，辣嘅蘿蔔糕真係好少食，而且佢哋嘅蘿蔔糕好足料，裏面有絲絲蘿蔔，加上瑤柱臘肉臘腸等等，好香口，食完個咀辣辣地，再飲埋佢哋最後送嘅清甜木瓜雪耳糖水，完美收結。
Post
