Video
Read full review
2019-04-18
142 views
上星期同友人 book左地點位於中環的日本餐廳食Omakase ，地點好易搵到 ，就係威靈頓街，見到The Loop 上去出lift就已經見到餐廳門口了。一入到去餐廳裝修非常有格調 ，整潔 ，座位空間非常闊落，一邊是對住廚師食既bar枱位，員工則安排了我同友人坐裡面的坐位，員工亦非常親切 ，一直面帶笑容😊附上餐牌比我地選擇，又盡備熱毛巾比我地👍🏻👍🏻好的服務令人對餐廳的感覺整體提升呢！餐牌分三種 有 天 ，瀧 ，極我點了《瀧》😍瀧係由十款菜式組合而成的，包括有先付，前菜，湯，剌身，天婦羅，合肴，日本豚肉，食事，甜品，待應亦會在下單前先問一下客人有咩係唔食，好預備其他別的菜式代替，服務非常到位👍🏻先付~松葉蟹蟹膏配合涼涼的昆布啫哩，而且仲係冰鎮的,成件事好清新好match 🤗前菜~松露紫菜蘿白 芥末煙鴨胸 炸銀杏 凍豆腐 每樣都好精緻，而且味道口感賣相各方面令人食慾大增😋😋湯~熱辣辣鮑魚清湯 ，一打開已經好香，飲到濃濃的鮑魚味，正👍🏻👍🏻剌身~有平政魚 石立 拖羅食的次序由淡到濃 ，三樣都非常新鮮，一點腥味都無 ，鮮味十足 ，拖羅入口即溶😋天婦羅~係餐廳主打的菜式第一樣係蝦天婦羅，附上3
一入到去餐廳裝修非常有格調 ，整潔 ，座位空間非常闊落，一邊是對住廚師食既bar枱位，員工則安排了我同友人坐裡面的坐位，員工亦非常親切 ，一直面帶笑容😊附上餐牌比我地選擇，又盡備熱毛巾比我地👍🏻👍🏻好的服務令人對餐廳的感覺整體提升呢！
餐牌分三種 有 天 ，瀧 ，極
我點了《瀧》😍
瀧係由十款菜式組合而成的，包括有先付，前菜，湯，剌身，天婦羅，合肴，日本豚肉，食事，甜品，待應亦會在下單前先問一下客人有咩係唔食，好預備其他別的菜式代替，服務非常到位👍🏻
先付~松葉蟹蟹膏配合涼涼的昆布啫哩，而且仲係冰鎮的,成件事好清新好match 🤗
前菜~松露紫菜蘿白 芥末煙鴨胸 炸銀杏 凍豆腐 每樣都好精緻，而且味道口感賣相各方面令人食慾大增😋😋
湯~熱辣辣鮑魚清湯 ，一打開已經好香，飲到濃濃的鮑魚味，正👍🏻👍🏻
剌身~有平政魚 石立 拖羅
食的次序由淡到濃 ，三樣都非常新鮮，一點腥味都無 ，鮮味十足 ，拖羅入口即溶😋
天婦羅~係餐廳主打的菜式
第一樣係蝦天婦羅，附上3種調味料有白鹽 wasabi鹽同檸檬汁仲有十分醒胃的蘿蔔蓉
而我用左點左小小白鹽，食落去入面的蝦肉仲好有鮮味，待應話連蝦頭都可以食ga，好甘香呀~~~一點都唔覺油膩
第二樣係目光魚天婦羅，熱辣辣脆卜卜的外皮，裡面嫩滑的魚肉，外脆內軟！正！(連魚骨都可以食)
第三樣係帶子天婦羅配三文魚籽
帶子剌身成日食，帶子天婦羅真係第一次食呀！好特別！！再配上新鮮的三文魚籽 ，口感一流!!
第四樣係金鯛魚天婦羅 配蝦湯
金鯛魚天婦羅連魚鱗一齊炸到脆卜卜 配上呢個非常濃味的蝦湯一齊飲，呢個配撘可以話係天衣無縫啊！😃😃
合肴，子持魚 (待應同我地講係得今個月先有ga，唔係成日可以食到，因為子持魚係呢個時候產卵) 子持魚配上醬汁一齊食 ，口感好豐富！
之後就係香煎日本豚肉配用蘋果煮嘅醋，豚肉肉質鮮嫩多汁，仲有帶有微酸的柚子汁沙律做配菜👍🏻👍🏻😋😋
其實呢刻同朋友已經飽飽地😂😂😂
食事~ 日本直送的蕎麥麵，麵質彈牙 ，涼涼的湯底，非常解膩！
甜品~ 安納芋(種子島特產) 待應話係廚師生炸一小時，外面的皮炸到可口甘香，配上白蘭地同白糖食，非常美味！
最後水信玄餅裡面仲有櫻花花瓣，真的吃到花香的味道呢！
總結來說，非常推薦大家來試試！真的能夠感受到廚師的用心制作烹調而成的菜式！一試難忘！！同友人亦讚不絕口，食材新鮮，服務到位，非常滿足的晚餐🤗👍🏻
Post
