Video
Read full review
2022-08-08
2804 views
餐廳：一起食堂 (中環)地址：中環域多利皇后街2號地舖住近觀塘嘅人唔少都有食過開源道嘅台灣餐廳一起食堂，佢哋喺香港開咗兩間分店，而我最近去開中環街市嗰頭就經過佢哋嘅中環分店，諗起有一段時間無食台灣菜，索性打鐵趁熱幫襯吓小店💛，好掛住台灣啊🥺去餐廳嗰日喺星期六，去到都幾多人，而且坐滿得7788，食到中途啲人仲要開始排隊等位🚶🏻♀️。佢哋嘅主食最平$69就食到，包三碟前菜小食，午市11:30-15:00仲可以用升級優惠價$12換購$25以下飲品一杯或者迷你嘅芋圓仙草凍🍧，而佢哋最近亦推出咗一系列嘅夏日限定主食，有特濃豆乳湯烏龍麵同冷烏龍麵，值得一試😋✝️特濃豆乳雞烏龍麵 $89烏龍麵即喺烏冬，特濃豆乳整成奶白湯底，飲落有幼滑豆乳香，配上4件無骨雞卷、豆卜同青菜🥬，整體味道鮮香而清甜，食完一啲油膩或者過鹹嘅味道都無，幾有特色✝️關東煮烏龍麵 $89呢個關東煮有10款食物🍢：竹輪、蘿蔔、福袋、冬菇、粟米🌽、甜不辣、豆腐、雞肉、貢丸同白菜仔，清湯湯底顯得份外健康，仲可以一次過試到多款關東煮食物，福袋餡料似足淮山蓉，貢丸爽彈入味，唯獨略嫌豆腐、甜不辣無乜口感小食叫咗個鹽酥雞($38)同燙青菜($26)
地址：中環域多利皇后街2號地舖
住近觀塘嘅人唔少都有食過開源道嘅台灣餐廳一起食堂，佢哋喺香港開咗兩間分店，而我最近去開中環街市嗰頭就經過佢哋嘅中環分店，諗起有一段時間無食台灣菜，索性打鐵趁熱幫襯吓小店💛，好掛住台灣啊🥺
去餐廳嗰日喺星期六，去到都幾多人，而且坐滿得7788，食到中途啲人仲要開始排隊等位🚶🏻♀️。佢哋嘅主食最平$69就食到，
包三碟前菜小食，午市11:30-15:00仲可以用升級優惠價$12換購$25以下飲品一杯或者迷你嘅芋圓仙草凍🍧，而佢哋最近亦推出咗一系列嘅夏日限定主食，有特濃豆乳湯烏龍麵同冷烏龍麵，值得一試😋
✝️特濃豆乳雞烏龍麵 $89
烏龍麵即喺烏冬，特濃豆乳整成奶白湯底，飲落有幼滑豆乳香，
配上4件無骨雞卷、豆卜同青菜🥬，
整體味道鮮香而清甜，食完一啲油膩或者過鹹嘅味道都無，幾有特色
✝️關東煮烏龍麵 $89
呢個關東煮有10款食物🍢：
竹輪、蘿蔔、福袋、冬菇、粟米🌽、甜不辣、豆腐、雞肉、貢丸同白菜仔，清湯湯底顯得份外健康，仲可以一次過試到多款關東煮食物，
福袋餡料似足淮山蓉，貢丸爽彈入味，唯獨略嫌豆腐、甜不辣無乜口感
小食叫咗個鹽酥雞($38)同
燙青菜($26)，鹽酥雞咁啱比我叫到最後一份就賣晒🙈，
酥脆皮薄嘅鹽酥雞炸得金香可口，食完第一舊就停唔到口🤤，內裏嘅雞肉仲喺熱辣辣，每食一舊都好滿足到口癮
飲品叫咗杯珍珠奶茶同仙草豆漿🧋，加$12就可以換購到，甜度同冰度可以自由發揮🧊，我飲嘅珍珠奶茶茶香非常突出，茶味甘醇🌿，珍珠幾煙韌，好有咬口，叫咗走甜所以飲落一啲都唔甜溜，啱晒我😎
Post
