Video
Read full review
2015-12-30
733 views
望望個 menu 發現有好西既西式早餐喎，有別於一般茶餐廳，但今日趕時間，求其叫個麵算喇。要自己落湯粉？有點意外，但都有好處既，可揀豬骨湯粉或原味湯粉，出前一丁湯粉自己直接加入碗中，可調較喜愛既濃度。不過湯粉跟麵條一齊煮的話，味道會更香濃呢，而且麵條有時間吸收湯汁。早餐除有好西式既歐陸餐外，就只得出前一丁供應，無米粉、無通粉、無伊麵囉。難得今日想食通粉，點知無通粉供應囉。舖面真的比較細，坐得唔係咁舒服，連門口外面都放左幾個座位呢。牆上面有警告字句喎，只準影食物？如影人物會遭到投訴必須罰款？罰比邊個呢？即係之前發生過？唔可以影食客還是唔可以影職員呀？似乎都只是一間港式偏向西化既茶餐廳啫，即係大家樂、大快活係咪西餐廳囉。舖位細就細左少少，坐得有點迫夾，但出品滿意，侍應阿姐們都殷勤有禮，見佢地敬業樂業，好有衝勁，朝早充滿正能量，讚 ﹗太陽蛋沙嗲牛肉出前一丁，我最愛原味。麵質非常地好，嚥韌爽口又夠苗條無發脹，絕對唔係預先淥定，係即叫即做滾熱辣送到﹗我當然係成包連麻油倒晒落去啦，香濃美味 ﹗甜甜沙嗲牛肉不算鞋，還可以接受。總括黎講，依個麵比茶餐廳好食幾倍。煎豬扒出前一丁，有原味麻油湯或豬骨湯揀架
早餐除有好西式既歐陸餐外，就只得出前一丁供應，無米粉、無通粉、無伊麵囉。難得今日想食通粉，點知無通粉供應囉。
舖面真的比較細，坐得唔係咁舒服，連門口外面都放左幾個座位呢。牆上面有警告字句喎，只準影食物？如影人物會遭到投訴必須罰款？罰比邊個呢？即係之前發生過？唔可以影食客還是唔可以影職員呀？
似乎都只是一間港式偏向西化既茶餐廳啫，即係大家樂、大快活係咪西餐廳囉。舖位細就細左少少，坐得有點迫夾，但出品滿意，侍應阿姐們都殷勤有禮，見佢地敬業樂業，好有衝勁，朝早充滿正能量，讚 ﹗
太陽蛋沙嗲牛肉出前一丁，我最愛原味。麵質非常地好，嚥韌爽口又夠苗條無發脹，絕對唔係預先淥定，係即叫即做滾熱辣送到﹗我當然係成包連麻油倒晒落去啦，香濃美味 ﹗甜甜沙嗲牛肉不算鞋，還可以接受。總括黎講，依個麵比茶餐廳好食幾倍。
煎豬扒出前一丁，有原味麻油湯或豬骨湯揀架，不過我較喜歡麻油原味。依度係自已落湯粉，濃淡可以自己揸主意。今次第二次黎食早餐，熱燙燙既湯麵，正呀 ﹗煎豬扒不過不失，未算太過乾鞋，有一絲肉汁亦煎得香口，可以接受，不過略厭醃得有點過火，味道太咸啊。麵質同上次好大分別，煮得太耐，過腍喇。可能因為今日太忙啦，爆晒場仲要有人等緊位，所以質數有點下降。我將全部湯粉落晒，極愛超濃郁湯底，但之後有點渴了。
牛尾湯，淨湯無料，加左幾粒炸麵包。飲落一點都唔似牛尾湯，但個味道好熟，又講唔出，質數不過不失啦。
咖喱芝士焗肉醬意粉，咖喱芝士薯條就食得多，mix 肉醬好有創意，食扒餐太普通，就試佢一試 ﹗隻碟微暖，但個意粉就熱到出晒煙，應該係微波爐焗，唔係焗爐。味道香濃無比，毫不吝嗇落足料，表面芝士粉焗到微微燋黃令芝士香味更提升。咖哩汁幼滑，肉醬亦不少，將它們跟意粉完全撈均，用意粉捲實大啖大啖食，非常冶味，Good ﹗意粉掛上大量熱燙燙香滑濃稠咖哩汁我鍾意，意粉質地還算正常，如何再烚多幾十秒就腍劈劈架喇。好好味，可以添食。
粟米湯，好清淡，有幾粒粟米，無咩料，幾乎淨水，只不過係例湯還，算數啦。
青紅椒雞肉釀鴨胸意粉，夠創意我鍾意，尊登叫黎試試。雞肉撈埋青紅椒碎釀係鴨胸裡面，上碟時再切片。一野啪落口，食到青紅椒微辣帶甜連雞肉既味道再夾雜住皮香肉嫩既鴨胸 ﹗好味道 ﹗口感特別而豐富。薄薄一片真係唔夠喉，如果可以切厚一點會更好。意粉十成熟，有點粉口，我不喜歡太腍，七八成爽口又有趙口最好味 ﹗如果可以先用欖油略炒再上碟去一去水氣就更好。
白汁辣雞扒意粉，雞扒微辣惹味,醒胃菜色，皮香肉嫩，肉汁豐富帶鮮雞既味道，好好味 ﹗意粉撈上大量香濃白汁都還好，如果唔夠汁會發現都係同一問題，十成熟真的不太好，唔夠嫩滑乾爽。
太陽蛋沙嗲牛肉出前一丁
28 views
0 likes
0 comments
煎豬扒出前一丁
33 views
0 likes
0 comments
牛尾湯
19 views
0 likes
0 comments
咖喱芝士焗肉醬意粉
37 views
0 likes
0 comments
咖喱芝士焗肉醬意粉
9 views
0 likes
0 comments
粟米湯
10 views
0 likes
0 comments
青紅椒雞肉釀鴨胸意粉
17 views
0 likes
0 comments
白汁辣雞扒意粉
21 views
0 likes
0 comments
Post
