一浩 (Closed)

黃金海岸呢個畀我細細個已經聽過 但對於九龍人嚟講就應該非常陌生 今日第一次去 感覺上有啲似外國小鎮 有啲遊艇 又對住個海 幾浪漫 揀咗呢間食日本嘢嘅餐廳 一浩 餐廳入面環境極闊落 好有空間感 而且設計都幾有時尚感 價錢唔貴 同愛人喺度邊食晚餐 再邊睇日落 好有情調燒鱈魚乾 有鱈魚嘅味道 而且口感脆卜卜 點埋七味粉沙律醬 幾惹味 送酒一流雜錦刺身 入面有平政 左口魚 帶子 油甘魚 拖羅 甜蝦 三文魚 全部都鮮甜無比 極度新鮮 當中最驚喜就係帶子 有我半隻手板咁大粒 果然夠足料軟殼蟹牛油果卷 有六大嚿 兩個人食都夠飽 上面鋪上薄薄嘅牛油果 入口即溶 香氣十足 加上脆卜卜嘅軟殼蟹鮮味十足 大人細路都啱食雞肉泡菜石頭鍋飯 聽到泡菜就以為係韓國菜 但係日本餐廳做都唔錯 幾惹味 而且石頭鍋夠 有飯焦嘅效果 少少辣 冬天食啱曬