Video
Read full review
2021-12-29
534 views
餐廳以前叫 Wildfire. 而家叫 Wildfire Pizza. 剩番兩間分店. 一間山頂. 一間尖東.山頂分店位置得天獨厚. 俯瞰樓景海景. 食物質素水準之上, 而且非常穩定. 今日又嚟開餐!頭盤: 煙三文魚凱撒沙律. 正常.炸魷魚圈. 魷魚新鮮. 厚肉. 唔靭. 個炸粉亦相當出色. 夠薄. 啱啱好. 食到尾都唔會乾硬. 加埋白色嘅沙律醬, 一流! 泰式雞醬就麻麻地.龍蝦湯. 夠熱. 正常發揮.至尊Pizza. 一個啱大眾口味嘅Pizza. 餡料足.龍蝦汁扁意粉. 十分出色. 一道留得住我嘅菜式. 扁意粉, 你可以話普普通通. 佢就係軟硬適中, 非常黐汁. 其實我唔係好食到龍蝦汁味. 似係海鮮汁加茄汁. 味道啱啱好, 同意粉及海鮮配料融為一體. 之前有一段時間冇咗呢個意粉,有冇搞錯!朱古力心太軟加雪糕. 好味呀.介紹下呢個位. 聽講要幾個月前預訂.總結一下: 餐廳食物非常掂. 龍蝦扁意粉超水準. 今日嘅炸魷魚圈都好有驚喜. 加埋無敵靚景. 真心推介.
山頂分店位置得天獨厚. 俯瞰樓景海景. 食物質素水準之上, 而且非常穩定. 今日又嚟開餐!
頭盤: 煙三文魚凱撒沙律. 正常.
炸魷魚圈. 魷魚新鮮. 厚肉. 唔靭. 個炸粉亦相當出色. 夠薄. 啱啱好. 食到尾都唔會乾硬. 加埋白色嘅沙律醬, 一流! 泰式雞醬就麻麻地.
龍蝦湯. 夠熱. 正常發揮.
至尊Pizza. 一個啱大眾口味嘅Pizza. 餡料足.
龍蝦汁扁意粉. 十分出色. 一道留得住我嘅菜式. 扁意粉, 你可以話普普通通. 佢就係軟硬適中, 非常黐汁. 其實我唔係好食到龍蝦汁味. 似係海鮮汁加茄汁. 味道啱啱好, 同意粉及海鮮配料融為一體. 之前有一段時間冇咗呢個意粉,有冇搞錯!
朱古力心太軟加雪糕. 好味呀.
介紹下呢個位. 聽講要幾個月前預訂.
總結一下: 餐廳食物非常掂. 龍蝦扁意粉超水準. 今日嘅炸魷魚圈都好有驚喜. 加埋無敵靚景. 真心推介.
Post
