Video
Read full review
2019-04-12
173 views
今日去觀塘整指甲，約咗男朋友夜晚喺觀塘食晚飯。男朋友話想捉緊冬天嘅尾巴食多最後一次雞煲，所以就上網睇吓觀塘有咩正雞煲選擇。見到原來觀塘都有咪走雞，不過佢就唔同啲叫做咪走雞live，咁之前食過佢其他分店質素都幾高，所以就冇諗咁多直接去食。 今日我哋就揀咗一個細嘅麻辣雞煲，之後嗌左咗幾樣配料打邊爐。落左單之後，侍應好快上左個雞煲同一杯醬汁，煲左一陣之後佢將醬汁倒入雞煲然後點火，再煮多陣佢就同我地講可以食得啦。雞煲好足料，每件雞都啖啖肉好入味，份量多到我地食完啲雞都飽左一半。 食晒啲雞之後，侍應好快就幫我地加湯，湯底仲有麻辣或清湯揀，我地費事太重口味，所以揀左清湯。配料方面，我哋叫咗一個細嘅手切新鮮牛頸脊，睇相都見到啲牛有幾新鮮，每片都好厚身，食落好重牛味。之後仲叫咗日本廣島蠔六隻、半分蟹柳、一份竹笙墨魚滑同埋烏冬。 廣島蠔好新鮮好肥美，$88六隻算係幾抵。 竹笙墨魚滑亦都唔錯，佢地將墨魚滑釀係竹笙裏面，竹笙吸晒啲湯汁，配埋墨魚滑，估唔到又幾夾。食食吓突然聽到歌聲， 原來餐廳每晚都有安排歌手係度唱歌， 所以咪走雞live既’live’係有live music聽咁解。整體來講食物分量超足，質
見到原來觀塘都有咪走雞，不過佢就唔同啲叫做咪走雞live，咁之前食過佢其他分店質素都幾高，所以就冇諗咁多直接去食。
今日我哋就揀咗一個細嘅麻辣雞煲，之後嗌左咗幾樣配料打邊爐。
落左單之後，侍應好快上左個雞煲同一杯醬汁，煲左一陣之後佢將醬汁倒入雞煲然後點火，再煮多陣佢就同我地講可以食得啦。
雞煲好足料，每件雞都啖啖肉好入味，份量多到我地食完啲雞都飽左一半。
麻辣雞煲
$168
16 views
0 likes
0 comments
食晒啲雞之後，侍應好快就幫我地加湯，湯底仲有麻辣或清湯揀，我地費事太重口味，所以揀左清湯。
配料方面，我哋叫咗一個細嘅手切新鮮牛頸脊，睇相都見到啲牛有幾新鮮，每片都好厚身，食落好重牛味。
手切新鮮牛頸脊
$228
29 views
0 likes
0 comments
之後仲叫咗日本廣島蠔六隻、半分蟹柳、一份竹笙墨魚滑同埋烏冬。
廣島蠔好新鮮好肥美，$88六隻算係幾抵。
日本廣島蠔六隻
$88
13 views
0 likes
0 comments
竹笙墨魚滑亦都唔錯，佢地將墨魚滑釀係竹笙裏面，竹笙吸晒啲湯汁，配埋墨魚滑，估唔到又幾夾。
食食吓突然聽到歌聲， 原來餐廳每晚都有安排歌手係度唱歌， 所以咪走雞live既’live’係有live music聽咁解。
整體來講食物分量超足，質素亦都好高， 下次打邊爐都會考慮嚟呢度食。
Post
