Video
Read full review
2024-02-21
430 views
《灜鐵板燒 - 尖沙咀》去完日本旅行番黎都有成個月啦，仲係好掛住日本既美食🥹不過諗番，去東京我竟然無去book 食鐵板燒同Sushi Omakase😳我朋友仲成日曬命佢喺大阪食左餐好正既teppanyaki😒所以今次我就捉左佢一齊去食呢間位於尖沙咀既坻食鐵板燒，平時都係食set多，但由於我地兩個都唔算大食，所以散叫左幾款食物、主食同甜品就算啦😉以鐵板燒嚟講，價錢一啲都唔離地，最平幾十蚊就有交易，鮑魚都係70幾蚊隻，相對嚟講算抵食😝另外當日為我哋服務嘅鐵板燒師傅Ken十分健談同友善，我哋喺成餐晚飯入面交流咗好多食日本嘢嘅心得😉坐低冇耐，店員就拎咗沙律俾我哋當前菜開開胃，今日主要都係食海鮮為主😋沙律菜入面有秋葵、車厘茄、火龍果、仲有好多新鮮蔬菜，用咗醋汁調味，酸酸地幾開胃💁🏻♀️黑魚子鵝肝蒸蛋第一道菜式基本上個個都會叫，其實叫餐嘅話都會有㗎啦，師傅會喺我哋前面煎香鵝肝，再於席前蒸煮個蒸蛋，最後再喺上面放上黑魚子，味道有層次，而且帶有鵝肝嘅甘香，熱辣辣幾好味💁🏻♀️沙巴野生大海虎蝦接住落嚟就係沙巴野生大虎蝦，一路睇住師傅煎虎蝦，一路喺旁邊偷睇吓佢係點整嘅，連個蝦頭師傅都唔放過，幫我哋煎熟咗之
去完日本旅行番黎都有成個月啦，仲係好掛住日本既美食🥹不過諗番，去東京我竟然無去book 食鐵板燒同Sushi Omakase😳我朋友仲成日曬命佢喺大阪食左餐好正既teppanyaki😒所以今次我就捉左佢一齊去食呢間位於尖沙咀既坻食鐵板燒，平時都係食set多，但由於我地兩個都唔算大食，所以散叫左幾款食物、主食同甜品就算啦😉以鐵板燒嚟講，價錢一啲都唔離地，最平幾十蚊就有交易，鮑魚都係70幾蚊隻，相對嚟講算抵食😝另外當日為我哋服務嘅鐵板燒師傅Ken十分健談同友善，我哋喺成餐晚飯入面交流咗好多食日本嘢嘅心得😉
坐低冇耐，店員就拎咗沙律俾我哋當前菜開開胃，今日主要都係食海鮮為主😋沙律菜入面有秋葵、車厘茄、火龍果、仲有好多新鮮蔬菜，用咗醋汁調味，酸酸地幾開胃
💁🏻♀️黑魚子鵝肝蒸蛋
第一道菜式基本上個個都會叫，其實叫餐嘅話都會有㗎啦，師傅會喺我哋前面煎香鵝肝，再於席前蒸煮個蒸蛋，最後再喺上面放上黑魚子，味道有層次，而且帶有鵝肝嘅甘香，熱辣辣幾好味
💁🏻♀️沙巴野生大海虎蝦
接住落嚟就係沙巴野生大虎蝦，一路睇住師傅煎虎蝦，一路喺旁邊偷睇吓佢係點整嘅，連個蝦頭師傅都唔放過，幫我哋煎熟咗之後可以連個頭食埋入面啲蝦膏，用普通嘅牛油醬油醬汁已經好好味，蝦肉彈牙爽口，食得出既新鮮👍🏻💁🏻♀️黃金銀鱈魚
呢一道菜係我當日最喜歡嘅其中一款菜式，銀鱈魚果皮被煎香到脆卜卜，而且自己帶有鹹味，再配上惹味嘅鹹蛋黃醬☺️味道多層次而且鹹香味十足，有魚皮嘅香脆、魚肉嘅香嫩、鹹蛋黃醬嘅鹹香同焦脆，同埋入口軟滑嘅感覺😋整體配合得天衣無縫👍🏻
💁🏻♀️黑松露鮑魚
接住落嚟就係到煮鮑魚，個鮑魚喺上鐵板之前仲生勾勾郁嚟郁去，冇理由唔新鮮啦，師傅一邊調味一邊烹調鮑魚，鮑魚食落仲有啲軟心嘅狀態，但係外層又好彈牙，配上黑松露醬嘅香濃，令人十分滿足
💁🏻♀️佐賀和牛薄燒
到咗我朋友嘅最愛和牛🐃和牛只要輕輕一煎，再加上炸蒜同香蔥捲埋一齊食就已經好好味，牛肉入口即溶而且油花十足，食完滿口都係牛肉嘅香味
💁🏻♀️日式炒野菜
去到差唔多尾聲，係時候食炒雜菜同埋炒飯啦，呢一份野菜好大份，入面有芽菜、蘆筍、香蔥等既蔬菜，最適合清清味蕾
💁🏻♀️鐵板炒飯
師傅話呢個鐵板炒飯係佢嘅拿手小菜，食得出粒粒分明而且炒得好乾爽，入面有好多食材，所以口感同埋個層次都好豐富，最最最鍾意就係佢有濃濃嘅櫻花蝦味，十分滿足
食完晒所有嘢之後，店員會奉上味噌湯同埋甜品俾我哋，最開心係個甜品係開心果雪糕嚟㗎😍奶味較重，而且食得得到開心果粒，為呢一餐畫上完美嘅句號😉
Post
