古琴雅苑 (QRE Plaza)

Open Now

Now Closed

新年當年要食中菜先應景！係Openrice 搵左好耐又睇左好多review先決定去呢間，新新地好似好，最主要係想食北京填鴨～先黎個每年必食既「撈起」吧～呢個加左番薯乾幾特別，好有咬口，不過其實都係中意撈果下，撈完一年順順利利！再黎個魚羹，其實我好中意食羹，足料又有口感。非常欣賞呢個宫保蝦仁，係四川麻辣！好香口同埋有我最愛的腰果，蝦亦炒得入味～重頭戲北京填鴨黎喇～師傅係你面前片，刀功絶對要有返咁上下先得，先黎個脆片過下口癮先～咁樣上碟真係殺死幾多部相機特別之處係配料有埋蜜瓜，好爽口而且中和到個油膩感，個皮亦夠薄，好正第二個重頭戲年糕蟹！每次菜單上只要有呢味我就一定嗌～蟹的精華落晒年糕到，醬汁味道恰到好處唔會太濃太咸，蟹亦好入味，大讚咁heavy之後要來個豆苗中和一下。結尾的木桶飯意外地出色，因爲個樣好似好咸，結果係飯粒粒分明，調味亦適中，不錯。愛腰果的我才發現糖水係腰果露！不過感覺稀左啲又甜左啲，露呢啲野真係好花功夫。