德豐打冷粉麵餐廳

Open Now

Now Closed

今日同朋友去黃金睇電腦物品，行完後我哋兩個肚仔餓，見到有間「德豐打冷粉麵餐廳」就走入去醫肚。先嚟一碟打冷必吃的花生雞腳及鵝掌，兩個味道都好重鹵水味，而且又唔會好油膩，花生好香，幾好味 ! 朋友都話好食，個味會慢慢滲出嚟，愈食愈濃郁。再多一窩吊片蠔仔粥，味道同花生雞腳另一番風味，吊片口感煙韌，蠔仔鮮甜，個粥底好綿好滑又夠香甜。 份量都好大，每人可以分到2大碟，好抵食。不得不讚，店員服務都有禮，會主動幫你加水，又會問你野食好唔好食，茶記嚟講都算係性價比高。