Video
Read full review
2012-03-28
13 views
因為偶然的一次機會，和男朋友到了尖沙咀的T.I.G. Friday食lunch，原本對餐廳的美食抱有很大期望，結果換來一肚子的失望，原因如下：1. 等候食物時間超長****我同我男朋友由Order set lunch 開始計, 足足等o左35分鐘!1杯水都無, 野飲又無，隔離table o個對夫婦遲過我o地15分鐘o黎，一order完野食唔使3分鐘即刻有杯水, 唔使5分鐘即刻又有soup, 真係 舉手想搵個waiter 跟進下d order o者，其中有2個都係話:"等陣等陣先, 轉頭黎" , 點知轉個頭連影都無隻!!!! 好啦，等到第3個waiter 終於睬我地~以為佢真係會拎野飲比我地啦~點知都係無!! 到第4個waiter比我地時已經等左40分鐘!! 莫再提之後o既主菜同甜品, 如果唔係我地話要埋單唔等, 都唔知幾時先至有食..... 2. 服務員態度欠佳****d服務員驚驚青青, o係間餐廳度橫衝直撞, 差d撞到其他食客不特止, 有個女服務員一手將碟野食扔左o係個食客面前,差d 整到個女食客成身都係麵，激到個女食客彈起身話要投訴佢服務態度差, 個女服務員仲連道歉都無聲，搞到
1. 等候食物時間超長****
我同我男朋友由Order set lunch 開始計, 足足等o左35分鐘!1杯水都無, 野飲又無，隔離table o個對夫婦遲過我o地15分鐘o黎，一order完野食唔使3分鐘即刻有杯水, 唔使5分鐘即刻又有soup, 真係 舉手想搵個waiter 跟進下d order o者，其中有2個都係話:"等陣等陣先, 轉頭黎" , 點知轉個頭連影都無隻!!!! 好啦，等到第3個waiter 終於睬我地~以為佢真係會拎野飲比我地啦~點知都係無!! 到第4個waiter比我地時已經等左40分鐘!! 莫再提之後o既主菜同甜品, 如果唔係我地話要埋單唔等, 都唔知幾時先至有食.....
2. 服務員態度欠佳****
d服務員驚驚青青, o係間餐廳度橫衝直撞, 差d撞到其他食客不特止, 有個女服務員一手將碟野食扔左o係個食客面前,差d 整到個女食客成身都係麵，激到個女食客彈起身話要投訴佢服務態度差, 個女服務員仲連道歉都無聲，搞到個女食客要走去搵經理投訴。同一時間，餐廳o既另一箱又有個外籍人士因為服務員態度差而嘈起上黎
3.食物質素參差
-隔離table同我地都係一樣order3.5安士漢堡配薯條, 人地個漢堡係巨型size，我地個漢堡就係拳頭size =.=
-前菜食洋圈=難食=份量奇少(得隻碟o既1半份量)
-同一款雪糕隔離table係用大碗裝, 我地就係用細碗裝
其他瑣碎o既仲有:
-- 可以比碗雪糕你食但唔比teaspoon你
-- 到比o左teaspoon你又可以論盡到將支teaspoon整跌落地下
-- 服務員論論盡盡, 將d食物唔小心倒瀉落我男朋友件衫度
唯一覺得可以一讚的就是 ,, 個3.5安士漢堡配薯條係真係整得好食o既，不過為o左食呢個set lunch 而等足一個鐘就真係有D唔值得.....
但個餐湯o既味道真係好唔得=.=.好似一碗棘油o甘=.=
唉....我諗我應該唔會再幫襯呢間餐廳了!
Post
