川亭 (Moved) New Location

難得同媽咪係出面食晚飯今次係灣仔選擇幫襯呢間四川菜小店 雖然間店較細，但環境相當乾淨企理光線同座位令人感覺舒適我地叫左三道菜手拍青瓜：配上蒜泥，好香好開胃，青瓜非常爽脆清涼，呢種開胃小菜令人食唔停口啊 渝洲涼麵：因為天氣回暖想食一d清涼既食物，選擇涼麵確實係個唔錯選擇，涼麵個賣相好吸引，配料豐富，麵既粗幼度正合我心意 個味道相當特別 麵既辣度有得選擇，可以配合到唔太食得辣既人。奇味雞煲：呢道菜係我地叫之前最期待既，結果亦冇失望 雞煲一上台已經香味樸鼻，雞肉好鮮嫩好滑！洋蔥青椒蒜粒等配菜非常之夾，個汁夠哂惹味，送白飯一流！$68的一個份量兩個人食剛剛好！總括黎講係間值得再去幫襯既小店，價錢夠實惠，店員服務態度親切，作為香港人好應該支持這種小店。