Video
Read full review
2020-08-04
403 views
難得放假，緊係出動去捐窿捐罅搵美食. 今次有個朋友介紹依間SKY726, 話間餐廳布置好浪漫，野食又正，最適合同女仔去. 見朋友講到間餐廳咁正，一於就去試試佢.餐廳位於商業大廈度，一出𨋢就會見到依個設計時尚既餐廳標誌.天花板上既燈飾簡直就令人如置身星空下，果然夠浪漫.餐枱擺設尚算整齊.頭盤係一杯精緻小食，酸酸甜甜幾開胃.之後來個溫泉蛋沙律，超好食.當然唔少得杯凍檸茶.餐湯就揀左紅湯，味道正常，冇咩特別！主菜方面我地就嗌左個香草燒法國黃油雞同西冷牛排.最後當然唔少得甜品，今次就揀左個百利甜潘奶凍，因為見佢有酒，所以好奇想試下有酒味既甜品係咩味道. 果然冇失望，酒味同奶凍既甜味出奇地夾，令人食完一啖後會想繼續再食落去，正！！！今餐好滿足，兩個人埋單都係900幾蚊，都算抵食.
餐廳位於商業大廈度，一出𨋢就會見到依個設計時尚既餐廳標誌.
天花板上既燈飾簡直就令人如置身星空下，果然夠浪漫.
餐枱擺設尚算整齊.
頭盤係一杯精緻小食，酸酸甜甜幾開胃.
之後來個溫泉蛋沙律，超好食.
當然唔少得杯凍檸茶.
餐湯就揀左紅湯，味道正常，冇咩特別！
主菜方面我地就嗌左個香草燒法國黃油雞同西冷牛排.
最後當然唔少得甜品，今次就揀左個百利甜潘奶凍，因為見佢有酒，所以好奇想試下有酒味既甜品係咩味道. 果然冇失望，酒味同奶凍既甜味出奇地夾，令人食完一啖後會想繼續再食落去，正！！！
今餐好滿足，兩個人埋單都係900幾蚊，都算抵食.
Post
