Video
Read full review
2023-04-29
480 views
🌟餐廳：Amis 📍地址：銅鑼灣告士打道229-230號宇宙商業大廈地舖💰價位：～$800+⏰營業時間：星期二至日 12:00 – 16:00 / 18:00 - 0000 (逄星期一休息)📱電話：2171 4268 / 5547 5106適逄同朋友仔一齊放假，一早約埋去銅鑼灣shopping，仲預先BOOK定Fine Dining，好好咁chill下傾下計歎返晚~位於銅鑼灣既「Amis」，主打法日Fusion菜，室內設計呈現代感，優雅又浪漫，特別係外圍既灰白色牆身同金啡色入口，裝潢高貴簡約，內部樓底夠高，空間感十足，夠哂情調!———————————————————🌟9 courses Tasting Menu🌟✨House Bread Platter-餐廳安排左兩款house bread 包括 Baguette法包 及 Chocolate Walnut sourdough，更提供兩款自家制牛油Brown butter 及 Rosemary butter搭配，好有心思!我地最鍾意Chocolate Walnut sourdough及Brown butter呢個組合，味道Nutty而且s
📍地址：銅鑼灣告士打道229-230號宇宙商業大廈地舖
💰價位：～$800+
⏰營業時間：星期二至日 12:00 – 16:00 / 18:00 - 0000 (逄星期一休息)
📱電話：2171 4268 / 5547 5106
適逄同朋友仔一齊放假，一早約埋去銅鑼灣shopping，仲預先BOOK定Fine Dining，好好咁chill下傾下計歎返晚~位於銅鑼灣既「Amis」，主打法日Fusion菜，室內設計呈現代感，優雅又浪漫，特別係外圍既灰白色牆身同金啡色入口，裝潢高貴簡約，內部樓底夠高，空間感十足，夠哂情調!
———————————————————
🌟9 courses Tasting Menu🌟
✨House Bread Platter
-餐廳安排左兩款house bread 包括 Baguette法包 及 Chocolate Walnut sourdough，更提供兩款自家制牛油Brown butter 及 Rosemary butter搭配，好有心思!
我地最鍾意Chocolate Walnut sourdough及Brown butter呢個組合，味道Nutty而且sourdough好鬆軟~
✨Tomatoes Consomme
-蕃茄清湯，用蛋白隔渣，湯頭好清澈，仲加入蕃茄乾，酸酸甜甜清新味蕾~
✨Amuse Bouche
頭盤提供三款食材~
-日本螢光魷魚加入柚子汁及黑白芝麻粒，鮮味又濃郁~
-印度脆球釀入蕃茄莎莎及芝士，外層酥脆香口，內裡餡料好creamy~
-芋頭乳泡入口超幼滑，特別加入松露油，口感豐富~
✨Botan Ebi Tataki with Caviar
-日本牡丹蝦他他搭配日本大根及俄羅斯魚子醬，食材名貴，制作方式亦相當出色~廚師更將牡丹蝦既蝦頭炸得格外香脆，加入松露粉、開心果碎及龍蝦醬，提升蝦味，令味道更濃厚~
✨White Asparagus with Truffle
-選用法國白蘆筍，爽脆鮮甜又多汁，Wasabi holiday sauce 更加入煙肉熬製，入口好有層次感~上菜後，店員更會即場磨法國summer black truffle，大大片鋪滿蘆荀，好有儀式感~
✨Awabi Tagliolini
-大推呢款磯煮鮑魚全蛋麵! 鮑魚肉質爽彈，鮮味十足，上層加入紫蘇葉、菊花及木之芽，搭配鮑魚黎食，令鮮味更突出~自家手制全蛋麵，用上鰹魚昆布湯底煮制，麵質保留彈牙口感而且散發啖啖鰹魚獨特既咸香味~
✨French Morel Mushroom
-雞肉mousse釀入法國羊肚菌，好講究技巧既一道菜式! 雞肉質感滑嫩creamy，羊肚菌香氣四溢，味道好濃郁，必試! 配菜仲有白甘筍條及黑松露，再加埋以牛骨髓熬制既natural sauce，香濃惹味，每款食材都好出色~
✨"Remy Martin" Lobster Soup
-餐廳主打既龍蝦湯用上慢煮美國波士頓龍蝦，湯頭更以炒香左既蝦頭蝦殼熬煮8小時而成，入口每一啖龍蝦味都好澎湃~重點係上菜後，店員會噴上香醇既乾邑，將成碗湯味道提升至另一層次~
✨Duo of Beef
第一款主菜以鹿兒島A4和牛呈上兩款唔同口感既和牛~
-香煎和牛，外層焦脆，肉質軟淋，油脂感十足~
-另一款燉牛面頰Sirloin，肉質細嫩入口即溶，牛味濃郁~
配菜加入焦糖乾蔥，夠清甜，醬汁以牛骨髓製成gravy sauce及磨菇sauce，兩者和牛都好夾~
✨Red Prawn Spaghetti - Two Ways
另一款主菜我地就升級左呢一個紅蝦意粉，一共提供兩種食法，真心值得一試!
-首先係紅蝦他他，紅蝦肉特別鮮甜、蝦味濃郁，混合三文魚籽、杏仁油及菊花，鮮味更突出之餘，層次感十足~
-再黎就係紅蝦意粉，加入Sundries Tomato及蝦頭蝦殼熬煮既醬汁，濃郁惹味，意粉又掛汁，食得好滿足~
✨Dessert De Chef
最後既甜品環節亦好有驚喜，一共有三款，為呢一餐飯劃上完美句號!
-長野蛋糕+柚子雪糕再配焦糖脆脆，夾埋底層既新鮮吉士醬，用料豐富，擺盤亦好精緻~
-新鮮時令水果包括網紋蜜瓜、火龍果及提子，每一款都好清甜juicy~
-最後呢一款寶盒更出色，以脆脆既日式最中餅包住綠茶厥餅及紅豆餡，再埋朱古力羽泡及脆脆，口感一流，甜度剛好，大愛!
———————————————————
😋味道：4.5/5
🏢環境：4.5/5
💁🏻♀️服務：4.5/5
💵價錢：4/5
🤟🏻性價比：4/5
———————————————————
👅整體小總結
一間好值得去細心品嚐既法日fusion 菜～黎到餐廳已經俾佢外圍及餐廳高貴既裝修吸引住，用餐氛圍一流～食物方面，我地今日試既9 course menu 每一款都好出色，用上時令新鮮既食材，以法日fusion 手法呈現高質菜式，而且陳設及擺盤都好細緻，店員亦細心詳細介紹每一道菜式，超親切，抵讚!
Post
