Video
Read full review
2020-10-07
761 views
難得今日友人話想過海食飯, 去到西環揀咗幾間黃店諗住懲罰吓, 最終揀咗喱間日式居酒屋嚟懲罰。 小店喺一條小路入面, 如果唔搵地圖又或者唔係街坊, 應該好少會專登行入去, 而店門口已經有一種日本居酒屋嘅感覺。 量完體溫, 店員安排入座後, 店員遞上餐牌同 4 隻杯俾我哋, 店員仲同我哋介紹入面嘅茶葉有兩種, 係店家自己溝嘅, 啲杯係好似以前啲人用嘅缸咁, 好得意呀。 入到店入面, 由於店面唔大, 仲貼住好多店家嘅招牌菜介紹、 日本清酒同啤酒推介, 仲有好多日本食品嘅海報, 更令我哋有種正在置身日本居酒屋嘅感覺。店家除咗會提供餐牌上嘅食物, 另外仲有一啲不同期間限定或店家推介會寫喺黑板上。我哋睇完餐牌後, 店員幫我哋落柯打之餘, 同時亦有介紹幾款小食俾我哋, 我哋除咗點自己想食嘅食物之餘, 最終再加點咗海膽墨魚丸。 首先上枱嘅係海膽玉子燒。 喱個海膽玉子燒一放低隔住個口罩就已經聞到好香, 食入口除咗有蛋味, 包喺蛋入面嘅海膽亦味好濃, 食得出好新鮮, 原來蛋同海膽係好夾嫁 。 另外, 值得一提嘅係店家採用自家無激素走地雞雞蛋製作, 令客人食得放心。跟住嚟到嘅, 就係我點嘅
入到店入面, 由於店面唔大, 仲貼住好多店家嘅招牌菜介紹、 日本清酒同啤酒推介, 仲有好多日本食品嘅海報, 更令我哋有種正在置身日本居酒屋嘅感覺。
店家除咗會提供餐牌上嘅食物, 另外仲有一啲不同期間限定或店家推介會寫喺黑板上。
我哋睇完餐牌後, 店員幫我哋落柯打之餘, 同時亦有介紹幾款小食俾我哋, 我哋除咗點自己想食嘅食物之餘, 最終再加點咗海膽墨魚丸。 首先上枱嘅係海膽玉子燒。 喱個海膽玉子燒一放低隔住個口罩就已經聞到好香, 食入口除咗有蛋味, 包喺蛋入面嘅海膽亦味好濃, 食得出好新鮮, 原來蛋同海膽係好夾嫁 。 另外, 值得一提嘅係店家採用自家無激素走地雞雞蛋製作, 令客人食得放心。
海膽玉子燒
$98
20 views
0 likes
0 comments
跟住嚟到嘅, 就係我點嘅 Super Eel 鰻魚飯。 喱個鰻魚飯塊鰻魚真係如其名係 Super Eel, 好大塊, 雖然睇落好似好大碟, 但其實塊鰻魚下面舖嘅係一半飯, 一半生椰菜。 鰻魚上面有蒲燒鰻魚汁同少少蔥花, 鰻魚汁無出面食嗰啲咁甜, 再加上鰻魚出乎意料地係有少少魚味, 魚肉嘅質地都幾軟腍, 亦有少少魚嘅油香味, 個汁唔會蓋過咗鰻魚嘅魚味, 而飯雖然只有魚下面嘅半碟, 但食完已經夠飽了, 可能鰻魚大塊, 而且肥美吧!
鰻魚飯 Super Eel
$148
24 views
0 likes
0 comments
跟住上枱嘅係店員推介嘅海膽墨魚丸。 喱個墨魚丸外表好似其貌不揚, 一嚟到以為係冬菇 , 但食落真係有驚喜, 外層墨魚餅雖然唔係非常爽口彈牙嘅質感, 但係有好重嘅墨魚味, 而且入面包住嘅海膽好新鮮, 海膽唔會腥但有海膽甜味, 質地唔係一坺坺水狀嘅, 係屬於比較結實, 一咬落去墨魚香氣再加埋海膽鮮味, 令我哋一行 4 人都有一種幸福嘅感覺, 真係估佢唔到。
海膽墨魚丸
$90
13 views
0 likes
0 comments
P san 點嘅蠔飯方面, 賣相都唔錯, 用生蠔殼盛載住所有嘅食材, 面頭有一層焗過嘅芝士蓋住, 芝士焗過有少少焦香, 再加上入面嘅飯係用日式沙律醬拌勻再一齊焗, 令個飯有少少酸酸甜甜嘅沙律味, 飯下面係一整隻生蠔, 當然, 焗完就變咗熟蠔啦 , 飯越食到底層越重蠔味, 雖然分量唔多, 但係因為有芝士、沙律醬同埋蠔, 所以食晒成個蠔飯都已經夠飽了。
蠔飯
$148
20 views
0 likes
0 comments
喱個鹿兒島雞肉刺身, 有啲煙燻味, 質地有啲似魚生刺身, 但無咩味, 但配有兩個醬, 一個係柚子醬, 另一個係豉油加新鮮磨嘅 wasabi, 用店家提供嘅生菜包住再點喱兩個醬嚟食, 令雞肉刺身增加咗啲鮮味。
鹿兒島雞肉刺身
$168
21 views
0 likes
0 comments
最後, 喱個芝士獅子狗係店家因為俾少咗半個拉麵俾友人而送俾我哋嘅, 係用獅子狗包住芝士去炸, 炸得外脆內軟, 芝士味濃, 但唔會油膩, 真係一個唔錯嘅小食; 另外店家仲送咗個沙律菜俾我哋, 啲菜好新鮮, 再加埋佢嘅日式麻醬, 食完咁多嘢可以消吓滯, 店家真係非常貼心, 而且又有人情味。
芝士獅子狗
16 views
0 likes
0 comments
沙律菜
18 views
0 likes
0 comments
Post
