Video
Read full review
2010-09-29
56 views
從網站及雜誌得知此朱古力店，亦同時介紹有朱古力試食會，對於朱古力狂熱者，當然唔會放過啦，一於試一試佢o地o既底蘊。前前後後都去過三次，原本想報個朱古力試食會，不過可惜實在太多人報太full，要等個幾兩個月，不過實在等唔切，所以去o左睇睇先。去到真係認真唔講得笑，一來環境舒適，二來真係好有試意，朱古力任試任食不在話下，試到有o的唔好意思，試食o既時候，店員會耐心講解每一種朱古力o既特質，了解客人喜歡邊一種類型o既朱古力，從而推介合適o既朱古力。每一次入到店舖都見到Lawrence親切o既笑容，亦好surprise Lawrence會記得我個名，而服務態度當然非常好啦，所以每次都好愉快。參加個試食會可以試食到唔同種類o既朱古力原粒之餘，可以更加了解朱古力o既歷史同典故，亦可以知道如何品嚐朱古力等等，實在獲益良多。我o地相信店主開辦試食會係好希望有更多人會更加了解朱古力，推廣及推介好o既朱古力係主要目的。我可以話o黎間朱古力店暫時o係香港係最有心思同誠意的。講o左咁耐，都應該介紹一下最鍾意o既朱古力，o既莫過於Heart Dark, Poker 同埋Therapy，食落好smooth好有層次
前前後後都去過三次，原本想報個朱古力試食會，不過可惜實在太多人報太full，要等個幾兩個月，不過實在等唔切，所以去o左睇睇先。
去到真係認真唔講得笑，一來環境舒適，二來真係好有試意，朱古力任試任食不在話下，試到有o的唔好意思，試食o既時候，店員會耐心講解每一種朱古力o既特質，了解客人喜歡邊一種類型o既朱古力，從而推介合適o既朱古力。
每一次入到店舖都見到Lawrence親切o既笑容，亦好surprise Lawrence會記得我個名，而服務態度當然非常好啦，所以每次都好愉快。
參加個試食會可以試食到唔同種類o既朱古力原粒之餘，可以更加了解朱古力o既歷史同典故，亦可以知道如何品嚐朱古力等等，實在獲益良多。
我o地相信店主開辦試食會係好希望有更多人會更加了解朱古力，推廣及推介好o既朱古力係主要目的。我可以話o黎間朱古力店暫時o係香港係最有心思同誠意的。
講o左咁耐，都應該介紹一下最鍾意o既朱古力，o既莫過於Heart Dark, Poker 同埋Therapy，食落好smooth好有層次，亦都十分香濃，食完唔會有苦澀o既感覺，仲好食過其他出名o既牌子。
我o地十分希望店舖可以提供飲品，當然最好有朱古力飲品啦，因為好想o係一個咁舒適o既環境下可以好好品嚐咁美味o既朱古力，可以慢慢享受朱古力實在係人生一大樂事。
Post
