Video
Read full review
2024-08-14
267 views
第一次去天后嘅火鍋店頭啖湯，入到去，牆上貼滿廣東話拼音同粵語正字，仲有唔同嘅港產片海報，睇嚟老闆係一個好熱愛香港文化嘅人 📽️ 每日中午，店家會 WhatsApp 通知客人當日嘅海鮮推介同價錢 📲 嗰日我哋預訂咗冬瓜瑤柱鮑魚雞煲，裡面有大塊冬瓜、4 隻五頭鮑魚、瑤柱同半隻雞，湯底鮮甜仲有高湯嘅香味 🍲 嗰晚我同朋友嗌咗手切牛肩胛、手切安格斯雪花牛同西班牙黑豚肉。牛肩胛大塊，雪花牛油花分佈均勻，肉質滑溜。黑豚肉質鮮嫩，帶少少脂肪 #好食 🥩 我哋仲試咗豬肉眼根，即係豬扒上面嗰條筋膜肉，口感似豬頸肉，彈牙兼肉味香濃，可以一試！海鮮嘅話，我哋嗌咗台山蠔，大到似美國桶蠔，蠔肉鮮甜肥美。仲有菲律賓黑花甲都大粒又鮮甜。台灣白鱔煮 2 分鐘就熟，彈牙冇骨 🐟 我同其中一個朋友都鍾意佢哋嘅爆荽手打墨丸，墨魚味濃，加上我哋都鍾意芫荽，真心正 🐙🌿 其他仲嗌咗炸魚皮、鴨血、油麥菜同雜菇拼盤 🍄
第一次去天后嘅火鍋店頭啖湯，入到去，牆上貼滿廣東話拼音同粵語正字，仲有唔同嘅港產片海報，睇嚟老闆係一個好熱愛香港文化嘅人 📽️ 
冬瓜瑤柱鮑魚雞煲
$298
0 views
0 likes
0 comments
嗰晚我同朋友嗌咗手切牛肩胛、手切安格斯雪花牛同西班牙黑豚肉。牛肩胛大塊，雪花牛油花分佈均勻，肉質滑溜。黑豚肉質鮮嫩，帶少少脂肪 #好食 🥩 我哋仲試咗豬肉眼根，即係豬扒上面嗰條筋膜肉，口感似豬頸肉，彈牙兼肉味香濃，可以一試！
0 views
0 likes
0 comments
海鮮嘅話，我哋嗌咗台山蠔，大到似美國桶蠔，蠔肉鮮甜肥美。仲有菲律賓黑花甲都大粒又鮮甜。台灣白鱔煮 2 分鐘就熟，彈牙冇骨 🐟 我同其中一個朋友都鍾意佢哋嘅爆荽手打墨丸，墨魚味濃，加上我哋都鍾意芫荽，真心正 🐙🌿 其他仲嗌咗炸魚皮、鴨血、油麥菜同雜菇拼盤 🍄
菲律賓黑花甲
0 views
0 likes
0 comments
Other Info. :
頭啖湯嘅整體服務都唔錯，每個員工都用心講解食材同最佳煮法，係一間用心經營嘅火鍋店 🔥
(The above review is the personal opinion of a user which does not represent OpenRice's point of view.)
Post
