Video
Read full review
2023-05-22
2430 views
先由結論講起，佢嘅雞煲真係唔出色，但以任食邊爐計就係唔錯嘅。深水埗食雞煲地方真係好多，求其去間傷X酸辣粉都有雞煲食。紅火雞煲開左好耐，但一直有種烏煙瘴氣感覺所以無幫襯。今日兩公婆食飯揀咗呢間，部份原因係為咗發晦氣。一黎到叫左個招牌雞煲，兩個人半隻雞真係唔多夠食。味道方面，佢唔算淡口，但又無其他知名雞煲店做得咁惹味，有啲尷尬。食完雞加湯打邊爐，可能本身雞煲個汁太少，烚親乜嘢都係淡茂茂。但係佢啲食材都真係食得出幾靚，內臟類無乜腥味，田雞新鮮，蝦滑彈牙（但海蝦有啲糜），脆骨腩爽口，金錢肚牛筋都合格。最驚喜係普通任食肥牛會俾牛板腱，雖然唔係塊塊都係，但整體都優質過一般注脂牛或者急凍疆屍肉。雞煲做得麻麻，火鍋料靚頂盡都係俾個中等評價。但我留意到每次叫啤酒老闆都會順手幫你添酒（仲要係免費任飲啤），呀姐跟枱執碗加湯都跟得好足，係香港食店越黎越小見嘅服務禮儀，呢個位我係加咗幾多印象分。其實除左雞煲外佢都仲有幾他湯底，所以唔會再食佢嘅雞煲，但都唔排除為咗任食邊爐再幫襯嘅。PS:任食邊爐生料要填紙仔，真係寫幾多數字就俾幾多件你，但寫多啲佢都數番夠份量俾你，因為佢真係好怕浪費食材。
深水埗食雞煲地方真係好多，求其去間傷X酸辣粉都有雞煲食。紅火雞煲開左好耐，但一直有種烏煙瘴氣感覺所以無幫襯。今日兩公婆食飯揀咗呢間，部份原因係為咗發晦氣。
一黎到叫左個招牌雞煲，兩個人半隻雞真係唔多夠食。味道方面，佢唔算淡口，但又無其他知名雞煲店做得咁惹味，有啲尷尬。
食完雞加湯打邊爐，可能本身雞煲個汁太少，烚親乜嘢都係淡茂茂。但係佢啲食材都真係食得出幾靚，內臟類無乜腥味，田雞新鮮，蝦滑彈牙（但海蝦有啲糜），脆骨腩爽口，金錢肚牛筋都合格。最驚喜係普通任食肥牛會俾牛板腱，雖然唔係塊塊都係，但整體都優質過一般注脂牛或者急凍疆屍肉。
雞煲做得麻麻，火鍋料靚頂盡都係俾個中等評價。但我留意到每次叫啤酒老闆都會順手幫你添酒（仲要係免費任飲啤），呀姐跟枱執碗加湯都跟得好足，係香港食店越黎越小見嘅服務禮儀，呢個位我係加咗幾多印象分。
其實除左雞煲外佢都仲有幾他湯底，所以唔會再食佢嘅雞煲，但都唔排除為咗任食邊爐再幫襯嘅。
PS:
任食邊爐生料要填紙仔，真係寫幾多數字就俾幾多件你，但寫多啲佢都數番夠份量俾你，因為佢真係好怕浪費食材。
24 views
0 likes
0 comments
Post
