Video
Read full review
2006-11-25
236 views
今晚公司的客戶請食飯，由於沒有訂枱的關係，隨便地選了這間新光潮州菜館。我地一行九人一入到去，我都未坐定，個阿叔已經坑左我個客要一隻潮州凍蟹，一碟「老」水鵝。我覺得佢好hard sell，唔多對路，一問之下，隻凍蟹$668，碟「老」水鵝$228。個價我都覺得ok。唔係話特別貴。不過我個面色都已經唔多好。「等等，放心，斬緊啦，就上碟。」個阿叔話。聽到呢個我即時呆左，唔係掛，我問得個價，都未話貴，佢就已經唔俾我反悔唔要。有夠黑。跟著個阿叔落力sell 避風塘抄蟹時，個碟凍蟹上枱啦！我即時一呆再呆，有無搞錯，$668 隻蟹細隻到咁！！好坦白我未食過潮州凍蟹，正所謂食米唔知價，我唔敢話唔係咁貴，所以我無出聲。之後個阿叔報上避風塘抄蟹個價，佢話要$400，我即刻覺得有無搞錯！佢抄咩蟹？空運架？要$400！！做生意既野，明買明賣，我即時拒絕左佢。跟著開始搵野食，反轉張餐牌，見到後面d 小菜。大部份$ 40 至$ 70 左右，都算會理價錢。點知，我頭十個餸都未睇完，個阿叔話：「呢d 係例牌，你地九個人，唔夠食架。要就要加大。」我聽到呢句，腦裡面已經浮現「黑店」兩個字。加大，任你加，你加幾貴都得。就算你
我地一行九人一入到去，我都未坐定，個阿叔已經坑左我個客要一隻潮州凍蟹，一碟「老」水鵝。
我覺得佢好hard sell，唔多對路，一問之下，隻凍蟹$668，碟「老」水鵝$228。個價我都覺得ok。唔係話特別貴。不過我個面色都已經唔多好。
「等等，放心，斬緊啦，就上碟。」個阿叔話。
聽到呢個我即時呆左，唔係掛，我問得個價，都未話貴，佢就已經唔俾我反悔唔要。有夠黑。跟著個阿叔落力sell 避風塘抄蟹時，個碟凍蟹上枱啦！
我即時一呆再呆，有無搞錯，$668 隻蟹細隻到咁！！好坦白我未食過潮州凍蟹，正所謂食米唔知價，我唔敢話唔係咁貴，所以我無出聲。
之後個阿叔報上避風塘抄蟹個價，佢話要$400，我即刻覺得有無搞錯！佢抄咩蟹？空運架？要$400！！做生意既野，明買明賣，我即時拒絕左佢。
跟著開始搵野食，反轉張餐牌，見到後面d 小菜。大部份$ 40 至$ 70 左右，都算會理價錢。點知，我頭十個餸都未睇完，個阿叔話：
「呢d 係例牌，你地九個人，唔夠食架。要就要加大。」
我聽到呢句，腦裡面已經浮現「黑店」兩個字。加大，任你加，你加幾貴都得。就算你加個價唔貴，但每碟加幾多料又係你話事，咁你明搶啦！
「我諗夠食，俾例牌我就夠！」我以非常肯定的語氣回答。
我之後見到味菜好似好得意，咁就同阿叔講話要一碟。阿叔話：
「呢個唔夠食架，要一人一隻，一隻$15，九隻就$120 左右啫。唔貴」
「點心黎架？」我問。
「係呀……」阿叔答。
「下，聘珍樓我食咕嚕蝦球都係$120，仲唔止九隻蝦喎。」
我講完呢句，個阿叔啞左。之後都正正常常，料都ok 足，咁我算啦，唔話個阿叔。點知……
埋單時，個阿叔佢專登行去第二邊唔俾張單我睇。咁我照睇啦，佢張單只係出味部，廚部，水吧。完全無菜名，仲要係大數，兩個菜加埋出一個數咁。我諗住計數睇下啱唔啱。個阿叔係我耳邊話：
「放心啦，有你係度，我地唔會亂黎。」
最終我望望張彈就算，無詳細check！
重點注意！！
大家小心，以後唔識價既，唔好去呢間黑店。
雖然d 野唔係難食，但係個價真係搶錢，明呃！
Post