茶涮涮 (Closed)

放咗工想食啲好西，就去同事平時食開嘅呢間茶涮涮，因為自己一個人所以叫咗個晚餐Set 嘅極上和牛盛合，呢個set俾一個人食嘅，有突添😎前菜有好新鮮嘅蟹肉沙律，終於食到唔係蟹柳絲嘅餐廳，好有誠意👍🏻個set有澳洲全血和牛同澳洲M6和牛，和牛大理石花紋一睇就知高汁，肥瘦啱啱好😝有埋時令活蠔同特級刺身盛，有生蠔、蝦刺身、帶子，樣樣都好新鮮。帶子粒粒都好圓大飽滿，好天然嘅乳白色，手掌咁大嘅肥美生蠔，見到都流晒口水🤤🤤主食有稻庭烏冬、紫蘇梅麵、醬油月見飯俾我揀，我就揀咗最中意嘅稻庭冷烏冬😍好啱夏天食，凍凍地，口感好👍🏻呢個set大份兼高質，真係一個人食啱啱好。好多種類俾我揀😊放完工食，滿足曬🥰🥰