Video
Read full review
2012-04-23
496 views
Farewell 飯局，祝學業進步 ﹗麥小姐仲未到架，依然離我多麼遠啊，餓到我手軟腳軟喇 ﹗無食 lunch 再加上剛操完泰拳啊，睏死人咩。年幾兩年無黎幫襯，全新裝修，座位多左，但地方細左，比人感覺有點窄、有點侷促，以前坐得舒服好多，開掦又寬倘架麻。枱面上的茶杯，一向都好喜歡日式茶杯，好靚好自然。先預備三份汁料，蒜豉油配紅肉、甜酸汁配炸物、淡豉油配壽司及刺生。 以枝豆作為小食，朋友仔唔喜歡枝豆，好快就比我食晒咯，等野食無野做麻，咸咸地又脆口送酒幾好呀。 櫻花大吟釀，我係要 HKD500 嗰支呀，產地唔同架，依支只係 HKD200，我都無留意比錯左我添，帶甜味既清酒易入口。 胡麻醬鮮茄蕃沙律，好鍾意胡麻醬既香味同酸甜味道，配新鮮蔬菜好醒胃。 鵝肝蒸蛋，鵝肝油潤、蒸蛋清甜又滑溜，味濃帶上湯味道甜甜地。蒜蓉牛油活鮑魚，好生猛即劏即煎，鮮甜彈牙，正呀 ﹗佢地會將內臟除去，想食既要趁早揚聲喇，我今次都忘記左，無得食。香煎青龍蝦球，先將龍蝦膏全部攞出備用，一陣用黎做個芡汁。龍蝦生猛札札跳，所以師父煎既時候要好大力按實佢地，如果唔係，都唔知飛左去邊 ﹗按實龍蝦煎到直至無再爭札既時候就可以拆肉喇。龍蝦
以枝豆作為小食，朋友仔唔喜歡枝豆，好快就比我食晒咯，等野食無野做麻，咸咸地又脆口送酒幾好呀。
櫻花大吟釀，我係要 HKD500 嗰支呀，產地唔同架，依支只係 HKD200，我都無留意比錯左我添，帶甜味既清酒易入口。
胡麻醬鮮茄蕃沙律，好鍾意胡麻醬既香味同酸甜味道，配新鮮蔬菜好醒胃。
鵝肝蒸蛋，鵝肝油潤、蒸蛋清甜又滑溜，味濃帶上湯味道甜甜地。
蒜蓉牛油活鮑魚，好生猛即劏即煎，鮮甜彈牙，正呀 ﹗佢地會將內臟除去，想食既要趁早揚聲喇，我今次都忘記左，無得食。
香煎青龍蝦球，先將龍蝦膏全部攞出備用，一陣用黎做個芡汁。龍蝦生猛札札跳，所以師父煎既時候要好大力按實佢地，如果唔係，都唔知飛左去邊 ﹗按實龍蝦煎到直至無再爭札既時候就可以拆肉喇。龍蝦球煎到差不多熟，就會散上烈酒，用熊熊烈火使佢地既肉質更加收緊彈牙 ﹗八九成熟勁爽口，龍蝦味濃，好鮮甜，芡汁好香蝦膏牛油蒜容味，剛好又不太嗆，very good ﹗
鵝肝多士，先將法包壓扁放係鐵板上烤脆 ，新做法喎。但我較喜歡舊煮法多啲，鵝肝放係略烤過既法包上面，口感會豐富啲又無咁油膩。鵝肝都算煎得外脆肉嫩，但只係瘦左少少，唔夠肥美、唔夠油潤，鵝肝味唔夠濃郁。
涮雪場蟹刺生，兩條腿多謝 HKD400 啦 ﹗真係恭候多時呀 ﹗侍應妹妹剛才話隻蟹剛落機，運送途中。六點幾等到依家七點半先返到黎架 ﹗新鮮度就唔洗講啦 ﹗ 剛到步超級新鮮，冰鎮溫度剛好，唔會太暖或太凍而影響口感同味道。鮮到不得了，天然淡淡海水味，肉質嫰滑無比又富彈性，並且充滿水份，啖啖肉 ﹗兩條點夠喉呀 ﹗極品，必食、無得彈 ﹗
炸蒜片 A5 日本和牛，加錢升級到 A5。先用牛脂肪墊底黎煎，另佢熔化後慢慢滲入牛肉，使其牛味更濃更香更滑。 落啲烈酒搶搶火，猛火灼一灼，可以令到和牛更香口、肉質收緊、口感更滑更細緻。 最愛 3 成熟，肥美滑溜軟棉棉，really good ﹗遺憾地日本和牛本身牛味較淡。可配蒜片同吃，好香口惹味，使到牛肉味道不會太單調。
蒜容脆肉瓜，鮮甜爽口充滿水份，炒得夠熱，清甜既脆肉瓜配上濃郁惹味既蒜蓉，既特別又好味 ﹗
龍蝦昆布豆腐蜆清湯，以前係做麵豉湯的，我較喜歡後者既濃郁香甜。今次既清湯強差人意，都好淡口既，有少少龍蝦味同味噌味，無喇。用黎清清剛才既油膩，還可以啦。
櫻花蝦墨魚籽肉粒炒飯，每一次最尾個炒飯都好難食，因為要砌公仔氹食客開心麻 ﹗搞到食材既份量同配搭都亂咁黎，味道及口感都非常古怪，上次炒到乾爭爭、今次炒到濕淋淋，總知就係難食啦。
叮噹豆沙餅，夾住一篤仔紅豆蓉。咬一咬舒筋活絡、趙一趙精神爽利，味道怪怪的。
芝麻雪糕，最後甜品時間。芝麻味香，不甜，啱我食。
Post
